Шавкат Мирзиёев 26 апрель кунги видеоселектор йиғилишида сифатли транспорт-логистика хизматлари йўлга қўйилмаса, туризмни ривожлантириб бўлмаслигини таъкидлади. Бу ҳақда Президент матбуот котиби хабар қилди.
Қайд этилишича, транспорт харажатларининг юқорилиги хорижий туристларни жалб қилишда асосий тўсиқлардан бири бўлиб қолмоқда. Ҳалигача халқаро ва маҳаллий йўналишларда лоукостерлар фаолияти самарали йўлга қўйилмагани, замонавий «Афросиёб» поездига чипта олиш учун бир неча ҳафта олдин мурожаат қилиш зарурлиги танқид қилинган. Шу боис Транспорт вазирлигига бир ой муддатда:
- Фарғона—Бухоро—Фарғона, Фарғона—Урганч—Фарғона йўналишида авиақатновларни;
- Бухоро—Самарқанд, Бухоро—Хива, Бухоро—Термиз йўналишлари бўйича замонавий автобус ва микроавтобуслар қатновини йўлга қўйиш топширилган.
Мавзуга доир:
- Ўзбекистонда 1 сентябрдан бошлаб мамлакат бўйлаб саёҳат қилаётган фуқароларга кэшбэк тизими жорий этилади
- Тошкентда хорижий туристларни камида 3 кун олиб қолиш ва «минг долларлик хизматлар пакети»ни тақдим этиш бўйича дастур амалга оширилади
- Ўзбекистонда туризм магистрали бўйлаб 31 та шаҳар ва туманларда карвонсаройлар қурилади
Изоҳ (0)