Савдо-саноат палатаси раисининг электромобилларга божларни гибрид автомобилларники билан тенглаштириш ҳақида фикри, Чироқчи тумани ҳокимининг фуқарога тарсаки тушириши, дзюдочи Алишер Юсуповнинг бронза медали соҳиби бўлиши — “Дарё” нашри бугун, 2 августда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Тошкентда автобус йўналишлари бўйича қатор ўзгартиришлар киритилди
Хусусан, айрим йўналишларда энди ўта катта сиғимли автобуслар қатнайди.
“Электромобильларга божларни гибрид автомобилларники билан тенглаштириш керак” — Савдо-саноат палатаси раиси
Даврон Ваҳобовга кўра, бож тарифларининг ноль қийматда сақланиб қолиши Хитой электромобилларининг ҳеч қандай кафолатларсиз мамлакатга кириб келишига сабаб бўлади.
Ўзбекистонда поездларда кондиционер ишламаса, йўловчига компенсация тўланадиган бўлди
Фуқаролар кондиционер ишламагандан норози бўлса, Рақобат қўмитаси ёки “Ўзтемирйўлйўловчи”га мурожаат қилиши мумкин.
Ўзбекистонда меҳнатга лаёқатли аҳоли ўртасида ишсизлик даражаси тушди — Бандлик вазирлиги
Камбағаллик даражаси ҳам 2024 йил бошига келиб 11 фоизга тушган.
ДХХ Қирғизистондан олиб келинган кучли таъсир қилувчи дори воситаларини мусодара қилди (видео)
Наманганда ўтказилган тезкор тадбирда 16,8 минг дона “Регапен”ни 36 минг долларга сотмоқчи бўлганлар ушланди.
Нишон, Шаҳрисабз, Ғузор ва Муборак ҳокимлари “истеъмолчилар ҳуқуқини камситувчи” 19 та қарор қабул қилгани аниқланди
Рақобат қўмитаси туман ҳокимликларига қонун бузилиши ҳолатларини бартараф этиш юзасидан тақдимномалар киритилди.
Қашқадарёда 2024 йилнинг 6 ойида минг нафардан ортиқ ҳайдовчи маст ҳолда автомобиль бошқаргани маълум бўлди
2024 йилнинг ўтган 6 ойи давомида вилоят йўл-патрул хизмати инспекторлари томонидан аниқланган жами қоидабузарликлар 172 минг 524 тани ташкил қилган.
Энг намунали “Талабаларни турар жой билан таъминлаш” марказлари 30 млн сўмгача мукофотланади
Тошкентдаги давлат ОТМларида 60 та шундай марказ ташкил этилади.
“Журналистларга қаратилмаган”: Андижон ҳокимининг “қўлларингдан балоям келмайди” деган гапига изоҳ берилди
Шуҳрат Абдураҳмоновнинг “гапларимдан кавак қидирмаларинг”, дегани ва бу журналистларга қаратилгани айтилган видеолар тарқалганди.
Урганч халқаро аэропорти режада белгиланган вақтдан аввалроқ очилади
Аэропорт учиш-қўниш йўлаги капитал таъмирлаш ишлари сабаб вақтинча ёпилганди.
Ўзбекистонлик аёл Туркияда фоҳишаликка мажбур қилингани айтилган видео бўйича изоҳ берилди
Видеода у мазкур давлатга алдов йўли билан чақириб олингани билдирилган.
Марказий банк 20 та тижорат банкини огоҳлантирди
Бунга истеъмолчилар билан ўзаро муносабатларда қонунчиликка риоя қилинмагани сабаб бўлади.
Андижонда онлайн қиморда 11 млн сўм ютқазиб қўйган уч фарзанднинг онаси ўзини каналга ташлади
Ҳолат юзасидан терговга қадар текширув ҳаракатлари ўтказилмоқда.
Шавкат Мирзиёев Темир йўл транспорти ходимлари куни муносабати билан соҳа вакилларига табрик йўллади
Табрикни президент матбуот котиби Шерзод Асадов ўқиб эшиттирди.
Фуқарога тарсаки туширган Чироқчи тумани ҳокими огоҳлантирилди
Ҳоким шу ва иш фаолиятида йўл қўйган бошқа камчиликлари учун интизомий жазога тортилган.
Париж—2024. Алишер Юсупов — бронза медали соҳиби
Дзюдочи япониялик рақибини мағлуб этиб, медаль соҳибига айланди.
Изоҳ (0)