Хоразм вилоятининг Урганч туманида кийим-кечак савдо дўконлари ёниб кетди. Ҳолат акс этган видеолар ижтимоий тармоқларда тарқалди.
ФВВ матбуот хизматининг маълум қилишича, 7 ноябрь куни соат 12:53 да Урганч тумани, “Шерматлар” МФЙ, Гурлан кўчасида жойлашган кийим-кечак савдо дўконларида ёнғин содир бўлгани тўғрисида ФВБга хабар тушган.
Шунга кўра 8 та ёнғин-қутқарув экипажи соат 12:59 да ҳодиса жойига етиб бориб, ёнғин соат 13:20 да ўраб олинган ва 13:50 да ўчирилган.
Ҳодиса оқибатида тан жароҳати олган ва вафот этганлар йўқ. Ҳозирда ёнғин сабаби ва келтирилган моддий зарар миқдори аниқланмоқда.
Изоҳ (0)