Тошкент аэропортида автобус бориб урилиши оқибатида самолёт олд қисми шикастлангани акс этган сурат тарқалганди. Uzbekistan Airways ҳолат юзасидан расмий маълумот берди.
Унда айтилишича, воқеа 17 ноябрь куни Тошкент халқаро аэропортида юз берган. HY054 Урганч—Тошкент рейсини бажаргандан сўнг Uzbekistan Airways авиакомпанияси мутахассислари Airbus 320 самолётини навбатдаги рейсни амалга ошириш учун тайёрлаётган бўлган.
Шу пайтда Тошкент халқаро аэропорти автобусининг ҳайдовчиси аэродром ҳудудида ҳаракатланиш қоидаларини бузган ҳолда самолёт билан тўқнашган.
Оқибатда самолётнинг агрегатлари ҳаракатланаётганда ҳаво қаршилигини камайтиришга ёрдам берадиган қисми шикастланган.
Uzbekistan Airways Technic мутахассислари самолётнинг шикастланган қисмини алмаштириш бўйича таъмирлаш ишларини олиб борди ва 18 ноябрь куни самолётга парвозларга рухсат берилди. Соат 14:30 да Airbus А320Neo жадвалга мувофиқ парвозларни амалга оширишни бошлади.
Изоҳ (0)