Олий таълим, фан ва инновациялар вазирлиги Транспорт вазирлиги билан ҳамкорликда 23 декабрь куни соат 10:00 дан эътиборан Тошкент шаҳри Талабалар шаҳарчасида жойлашган Ўзбекистон Миллий университети бош биноси қаршисидаги майдонда Тошкент шаҳрида таҳсил олувчи ва қишки таътил муносабати билан доимий яшаш жойларига жўнаб кетувчи талабалар учун қўшимча автобус йўналишлари ташкил этилди.
Автобуслар қатнови талаб (буюртма) мавжуд бўлган қуйидаги йўналишларда ташкил этилмоқда:
- Тошкент — Олот (Бухоро);
- Тошкент — Қарши;
- Тошкент — Термиз.
Чипталар Ўзбекистон Миллий университети бош биносида ташкил этилган сайёр кассада сотилади.
Маълумот учун, Тошкент—Олот (Бухоро) йўналиши бўйича автобуслар Жиззах, Самарқанд, Навоийга борадиган талабалар учун йўналишда белгиланган нархларда хизмат кўрсатиши мумкин.
Қорақалпоғистон Республикаси, Хоразм, Наманган, Фарғона, Андижон вилоятларига жўнаб кетувчи талабалар учун алоҳида қўшимча темирйўл вагонлари ташкил этилган. Ушбу йўналишларда имтиёзли темирйўл чипталари Ўзбекистон Миллий университети бош биносида ташкил этилган сайёр касса орқали берилади.
Аввалроқ Ўзбекистонда талабаларга поезд чипталари учун 50 фоизли чегирма эълон қилинганди. “Ўзбекистон темир йўллари” йўловчиларни байрамолди кунларда манзилларига хавфсиз етказиш ва уларга қулайлик яратиш мақсадида Тошкентдан Урганч, Нукус, Самарқанд ва Қаршига қўшимча поездлар қатнови йўлга қўйилишини маълум қилган эди.
Изоҳ (0)