Мультфильм яратиш машаққатли, шу билан бирга қизиқарли жараёндир. Биринчи ўйланган сюжет ёки қаҳрамонларга фильм тугашига яқин ўзгартириш киритилган ҳолатлар кўп бўлган.
Шрек дастлаб бутунлай бошқача тасаввур қилинган
1996 йилда “Шрек” мультфильми устида иш бошланади. Тўлиқ метражли фильмни ишлаб чиқиш учун тўрт ярим йил кетади. Бу вақт ичида нафақат сюжет, балки персонажлар ҳам ўзгаради. Масалан, оригинал лойиҳада бош қаҳрамон қизил рангли, тишсиз ва олов пуркайдиган махлуқ бўлиши керак эди. Бундан ташқари, қаҳрамон ботқоқда эмас, чиқиндихонада яшаши лозим эди.
Шаҳзоданинг ҳақиқий тарихи
“Соҳибжамол ва махлуқ” эртагининг оригинал версиясида келишган шаҳзода золим сеҳргар аёлга меҳр қўймагани сабабли махлуққа айлантирилган. Сеҳргар уни жазолай туриб, лаънатлайди ва бош қаҳрамон махлуққа айланади. Агар анимацион фильмида Бел ва шаҳзода бош қаҳрамоннинг мураккаб характери сабабли тез-тез уришса, китобда уларнинг мулоқоти қийин кечади, чунки махлуқ ўзининг ҳайвоний табиати туфайли нутқини тўғри ифода эта олмасди.
Скар аслида маймун бўлиши керак эди
Дастлаб “Қирол шер” мультфильмининг сюжети шерлар ва маймунлар ўртасидаги конфликтга асосланган бўлиб, унинг етакчиси Скар эди. Бироқ кейин антагонист шер бўлиши керак деган қарорга келинади. Дастлаб ёвуз қаҳрамон ва бош персонаж қариндош бўлмаган. Шу сабабли улар нафақат ташқи кўриниши билан, балки характерларига кўра ҳам бир-биридан фарқланган.
“Уйқудаги малика” эртагидаги париларнинг ҳақиқий прототипи бўлган
Ҳар қандай фильм ёки мультфильм яратилиш жараёнида, айниқса деталларга алоҳида эътибор қаратилади. Ушбу анимацион фильмнинг рассомлари кўп вақтини кекса аёлларни кузатиш билан ўтказган. Улар жамоат жойларига бориб, уларнинг ҳаракатларини кузатган. Қарияларнинг ҳаммасида бир нечта умумий хусусиятлар бўлган: бош кийимларни кийишдан тортиб шошилиб ҳаракатланишгача.
Диего музлик даврининг давомида қатнашмаслиги керак эди
Машҳур трио – Менни, Сид ва Диеголарни алоҳида тасаввур қилиш қийин. Ахир улар биринчи қисмдан бошлаб бирга. Бироқ сюжетга кўра, қилич тишли йўлбарс ўзига ўхшашлар билан тўқнашгандан кейин тирик қолмаган ва мардларча ҳалок бўлган. Аммо “Музлик даврида”ги шу саҳнани томоша қилган болаларнинг ҳаммаси бирданига йиғлаб юборган, шундан сўнг рассомлар Диегони тирик қолдиришга қарор қилган.
Рассомлар Рапунцелнинг сочларини яратишда суратдан илҳомланган
Асосий қаҳрамоннинг сочларини яратиш учун рассомлар мойбўёқда чизилган суратлардан илҳомланган бўлса, Флинн Райдерни яратиш учун уларга кўпроқ вақт керак бўлган. Жамоа студия ходимларидан ёрдам сўраб, ҳар биридан гўзаллик улар учун нима маънони англатишини сўрашган. Эсда қоладиган энг жозибали персонажлардан бири шундай умумий саъй-ҳаракатлар билан яратилган.
“Соҳибжамол ва махлуқ” фильмининг бош қаҳрамонига Жеки Чан овоз берган
Мультфильмнинг хитойча версиясида махлуққа машҳур актёр Жеки Чан овоз берган. У нафақат персонажни овозлаштирган, балки мультфильм учун айрим композицияларни ҳам ижро этган. Диққатга сазовор жиҳати шундаки, Жеки Чаннинг мусиқий таълими бор. У бу таълимни опера мактабида ўқиганида олган.
Эльзанинг ҳақиқий прототипи бор
Эми Уайнҳаус — бутун дунёга машҳур британиялик хонанда бўлган. Рассомлар унинг кўринишидан илҳомланган, шунинг учун дастлаб Эльза қора сочли бўлиши керак эди. Бундан ташқари, улар асосий қаҳрамоннинг овози ва характерининг ўзгарувчанлигига эътибор қаратишни истаган. Шунингдек, сюжет бўйича Эльза ёвуз руҳ бўлиши керак эди. Аммо “Let It Go” қўшиғини тинглагандан кейин, продюсерлар маликанинг ҳикоясини ўзгартиришга қарор қилган.
Изоҳ (0)