Футбол бўйича Ўзбекистон терма жамоаси ЖЧ—2026 саралаши доирасида 26 март, сешанба куни Гонгконгга қарши баҳс олиб борди.
Учрашувнинг биринчи бўлимида ўзбекистонликлар ҳисобни очди. 20-дақиқада Аббосбек Файзуллаевнинг ажойиб узатмасидан сўнг, Элдор Шомуродов дарвозани ишғол қилди.
Шундан сўнг ҳам Ўзбекистон бир нечта хавфли вазиятларни юзага келтирди. Бироқ, ҳисоб ўзгармади.
Иккинчи бўлимда эса Ҳожимат Эркинов ҳисобни ишончли кўринишга олиб келди. 64-дақиқада Эркинов узоқдан зарба бериб, дарвозани аниқ нишонга олди.
Орадан 6 дақиқа ўтиб, Остон Ўрунов дарвозабон билан бирга-бир вазиятга чиқиб, ҳисобни йириклаштирди.
Қолган дақиқаларда дарвозалар ишғол этилмади ва учрашув 3:0 ҳисобида Ўзбекистоннинг ғалабаси билан якунланди.
Ушбу муваффақиятдан сўнг терма жамоа E гуруҳида очколари сонини 10 тага етказиб олди.
ЖЧ—2026 саралаши
26 март, сешанба
Ўзбекистон – Гонгконг 3:0
Гол: 1:0 — 20 Шомуродов, 2:0 — 64 Эркинов, 3:0 — 70 Ўрунов.
Ўзбекистон: 1. Ўткир Юсупов, 2. Абдуқодир Ҳусанов, 4. Фаррух Сайфиев, 7. Отабек Шукуров, 9. Одилжон Ҳамробеков (6. Холматов, 90+1), 10. Жалолиддин Машарипов, 14. Элдор Шомуродов (11.Остон Ўрунов, 46), 15. Умар Эшмуродов, 19. Азизбек Турғунбоев, 22. Аббосбек Файзуллаев (20. Ҳожимат Эркинов, 57), 23. Ҳусниддин Алиқулов.
Гонконг: 1. Япп Хунг Фаи, 2. Оливер Бенжамин Гербиг, 6. Ву Чунг Минг, 8. Тан Чун Лок, 13. Ли Нгаи Ҳои, 14. Пун Пуи Ҳин, 16. Чан Сиу Кван Филип (9. Матт Орр, 62), 20. Майкл Удебулузор, 21. Ю Тзе Нам, 22. Соареш Валтер, 23. Сун Минг Ҳим.
Огоҳлантириш: Жалолиддин Машарипов (68).
Изоҳ (0)