Футбол бўйича 2026 йилги Жаҳон чемпионати саралашининг 4-туридан ўрин олган Ўзбекистон — БАА учрашувида мезбонлар кичик ҳисобда ғалаба қозонди.
Sofascore портали ушбу баҳсда ҳаракат қилган футболчиларга қўйилган балларни эълон қилди. Унга кўра, ўзбекистонлик ярим ҳимоячи Отабек Шукуров 8,1 баллга лойиқ кўрилган. Айнан у белгиланган пенальтини голга айлантириб миллий жамоа ғалабасини таъминлади. Ўзбекистон миллий жамоаси дарвозабони Ўткир Юсупов ва ҳимоячи Ҳусниддин Алиқулов 7,9 балл олган бўлса, яна бир ярим ҳимоячи Жалолиддин Машарипов 7,7 баллга лойиқ кўрилган.
Қизиқарлиси, Ўзбекистон терма жамоаси ҳимоячиси Абдуқодир Ҳусанов асосий таркибдан ўрин олган футболчилар орасида энг паст баҳо олган. Захирадан майдонга қўшилган Бобир Абдихолиқов ва Ҳожимат Эркинов ҳам портал томонидан 7 баллдан камроққа баҳоланган.
Меҳмонлар таркибида ҳимоячи Халифа Муборак 7,2 баллга лойиқ кўрилган. 14-рақамли Абдулла Ҳамад қизил карточка олиб жамоасини қийин аҳволга солиб қўйди. У ўйинчилар орасидаги энг паст — 6,0 баллга лойиқ кўрилган.
Маълумот учун, 4-турда Ўзбекистон миллий жамоаси ўз уйида БАА устидан кичик ҳисобда ғалаба қозонди.
Ўзбекистон 5-тур учрашувини сафарда ўтказади. 14 ноябрь куни бўлиб ўтадиган ўйинда Ўзбекистонга Қатар рақиблик қилади.
Изоҳ (0)