Ўзбекистон терма жамоаси етакчиси Отабек Шукуров БАА билан ўйинда пенальти тепиш жараёни ҳақида гапирди.
“Тўғрисини айтаман, мен у томонга (ўнг) тепмоқчи эмас эдим. Дарвозабон “Ал-Айн”нинг ўйинчиси ва менинг ўртоғим. Менинг қаерга тепишимни билади. Аслида чапга тепмоқчи эдим, лекин дарвозабон ўша тарафга ташланганини кўриб бошқа тарафга тепишга ҳаракат қилдим. Шунга сал хавотирли чиқди, ўзимнинг ҳам юрагим тушиб кетди”, дейди Шукуров матбуот анжуманида берган интервьюсида.
Маълумот учун, Ўзбекистон — БАА учрашуви 1:0 ҳисобида якунланди. Ўйиндаги ягона голни пенальтидан киритган Отабек Шукуров учрашувнинг энг яхшиси деб топилди.
Изоҳ (0)