Қозоғистон терма жамоаси бош мураббийи Станислав Черчесов Австрияга қарши Миллатлар Лигаси ўйинида Александр Марочкиннинг четлатилиши ҳақида гапирди.
“Қизил карточка менга қувонч келтирмади. Сизга келтирдими? Сизда қизил қалпоқ бор, балки бу сизга қувонч келтиргандир (журналистга мурожаат қилди).
Буни жамоа сифатида таҳлил қиламиз. У масъулиятсиз ўйнади. Биз футболда ичидамиз, хатолар бўлади. Сабабини топамиз. Сизнингча, у ўйинга тайёр эмас эдими?” деди Черчесов.
- Ушбу учрашувда Марочкин 23-дақиқада майдондан четлатилди.
- Қозоғистон 0:2 ҳисобида мағлуб бўлди.
- Черчесов қўл остидаги терма жамоа ҳисобида 0 та ғалаба ва 0 та гол бор.
Ушбу мағлубиятдан сўнг жамоа Миллатлар Лигасида C лигага тушиб кетди.
Маълумот учун, қўшни Қозоғистон жамоаси россиялик мураббий бошчилигида 5 та ўйинда майдонга тушди ва 4 бор мағлубиятга учради. Черчесов мураббий сифатида жамоани олиб тушган илк ўйинда жамоа Норвегия билан дуранг қайд этди — 0:0.
Бош мураббий ва журналистлар ўртасида турли келишмовчиликлар бор. Аввалроқ мураббий қозоқ тилида савол берган журналистга қарата “Нега менга бундай мурожаат қиляпсиз? Сизга осетин тилида жавоб берсам бўладими?”, деган эди.
13 октябрь куни Миллатлар Лигасида Словенияга мағлуб бўлгач (0:1) Черчесов “ПСЖ” футболкасида анжуманга келиб қозоқ тилида савол берган журналистга “французча гапираяпсанми” дея устидан кулган. Айнан шу сабаб билан у 738 минг 400 тенге миқдорида (тахминан 1500 АҚШ доллари) жаримага тортилганди.
Изоҳ (0)