Ўзбекистонлик футболчи Иброҳимҳалил Йўлдошев фаолиятини Қозоғистоннинг “Қайрат” жамоасида давом эттиради.
“Нижний Новгород” футболчиси ижара асосида “Қайрат” сафига ўтди. “Қайрат”да 22 ёшли ҳимоячини сотиб олиш ҳуқуқи ҳам мавжуд.
Йўлдошев “Пахтакор”нинг тарбияланувчиси ҳисобланади. 2021 йилда Иброҳимҳалил Россия жамоаси сафига ўтганди. Ҳимоячи “Нижний Новгород” сафида 63 та ўйин ўтказиб, 3 та гол ва 5 та голли узатмага муаллифлик қилган.
22 ёшли футболчи Ўзбекистон терма жамоаси сафида 16 та ўйин ўтказиб, битта голга муаллифлик қилишга муваффақ бўлган.
Изоҳ (0)