21 март, пайшанба куни футбол бўйича Европа Чемпионатининг саралаш босқичи доирасида гуруҳларда 1-тур учрашувларига старт берилди.
2018 йил Россияда бўлиб ўтган футбол бўйича Жаҳон Чемпионати финалчиси Златко Далич қўл остидаги Хорватия терма жамоаси ўз майдонида Озарбайжон термасини қабул қилди.
Беллашув давомида озарбайжонлик футболчининг 19-дақиқада киритган голига хорватияликлар Борна Баришич (44) ҳамда Андрей Крамаричнинг (79) голлари билан жавоб қайтарди.
Шу тариқа Хорватия терма жамоаси ўз уйида кечган баҳсда Озарбайжонни 2:1 ҳисобида мағлуб этди ва дастлабки 3 очкони қўлга киритди.
Шу куни Роберто Мартинес бошлиқ Бельгия терма жамоаси Станислав Черчесов бошқарувидаги Россия термасига қарши майдонга тушди.
Ўйиннинг 14-дақиқасида бельгиялик ярим ҳимоячи Юри Тилеманс ҳисобни очган бўлса, орадан икки дақиқа ўтиб Тибо Куртуанинг хатосидан унумли фойдаланган Денис Черишев ҳисобни тенглаштирди (1:1). 45 ва 88-дақиқаларда Эден Азар Россия дарвозасини ишғол қилиб, дублга эришди (3:1).
Шу тариқа Бельгия терма жамоаси ўз майдонида Россия термаси устидан ишончли ғалабага эришди (3:1).
Нидерландия терма жамоаси бўлса, ўз уйида Беларусь термасини синовдан ўтказди.
Учрашувда Мемфис Депай (1, 55-дақиқалар), Жоржинио Вейналдум (21) ҳамда Виржил ван Дейк (86) томонидан киритилган голлар нидерландияликларнинг йирик ғалабасини таъминлади (4:0).
Польша терма жамоаси эса сафарда Кшиштоф Пёнтекнинг голи эвазига Австрияни мағлуб этиб, дастлабки уч очкосини қўлга киритди.
Евро—2020
Саралаш, 1-тур баҳслари
21 март, пайшанба
«C» гуруҳи
Шимолий Ирландия—Эстония 2:0
Голлар: 1:0 — 56 Макгини, 2:0 — 75 ДэвисНидерландия—Беларусь 4:0
Голлар: 1:0 — 1 Депай, 2:0 — 21 Вейналдум, 3:0 — 55, пенальти, Депай, 4:0 — 86 Ван Дейк«E» гуруҳи
Хорватия—Озарбайжон 2:1
Голлар: 0:1 — 19 Шейдаев, 1:1 — 44 Баришич, 2:1 — 79 КрамаричСловакия—Венгрия 2:0
Голлар: 1:0 — 42 Дуда, 2:0 — 85 Руснак«G» гуруҳи
Австрия—Польша 0:1
Гол: 0:1 — 69 ПёнтекМакедония—Латвия 3:1
Голлар: 1:0 — 11 Алиоски, 2:0 — 29 Элмас, 2:1 — 87 Исажевс, 3:1 — 90 ЭлмасИсроил—Словения 1:1
Голлар: 0:1 — 48 Спорар, 1:1 — 55 Захави«I» гуруҳи
Қозоғистон—Шотландия 3:0
Голлар: 1:0 — 6 Перцух, 2:0 — 10 Вороговски, 3:0 — 51 ЗайнутдиновКипр—Сан Марино 5:0
Голлар: 1:0 — 19 Сотириу, 2:0 — 23 Сотириу, 3:0 — 26 Коусоулос, 4:0 — 31 Эфрем, 5:0 — 56 ЛаифисБельгия—Россия 3:1
Голлар: 1:0 — 14 Тилеманс, 1:1 — 16 Черишев, 2:1 — 45, пенальти, Азар, 3:1 — 88 АзарЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!