Қозоғистон футбол федерацияси матбуот хизмати футзал бўйича Жаҳон чемпионати бўлиб ўтган Ўзбекистонга миннатдорлик билдирди.
“Унутилмас жаҳон чемпионатини ташкил этган Ўзбекистондан жуда миннатдормиз.
FIFA томонидан Марказий Осиёда ташкил этилган илк расмий мусобақалар Тошкент, Андижон ва Бухоро шаҳарларида ўтказилди. Барчамиз тарихий воқеанинг гувоҳи бўлдик.
Қардош юртимизнинг илиқ кўмаги қалбларимизда абадий қолади! Катта раҳмат!”, деб ёзди матбуот хизмати ижтимоий тармоқдаги саҳифасида.
Маълумот учун, Андижонда гуруҳ ўйинларини ўтказган Қозоғистон жамоасини маҳаллий футбол мухлислари ҳам қўллаб-қувватлади.
Эслатиб ўтамиз, Қозоғистон терма жамоаси Аргентинага 1:6 ҳисобида мағлуб бўлиб мусобақани тарк этганди. Кеча, 6 октябрь куни “Ҳумо арена”да бўлиб ўтган финал учрашувида аргентиналиклар Бразилияга 1:2 ҳисобида мағлубиятга учраб, кумуш медалларига эга чиқди.
Изоҳ (0)