Футбол бўйича Қозоғистон терма жамоаси сардори ва “Ордабаси” клуби етакчиси Асхат Тағиберген учрашувдан сўнг суҳбат чоғида мухлислардан бирини жангга чақирди.
“Женис” жамоасига ўз уйида мағлубиятга учрагач, Асхат мухлислар билан суҳбатлашиш учун улар ўтирган трибуна ёнига борди. Жараён давомида футболчи ва мухлислар ўртасида оғзаки жанжал келиб чиқди.
Суҳбат пайтида Тағибергеннинг жаҳли чиқди ва мухлислардан бирини яккама якка жангга таклиф қилди. Шунингдек трибунадан қилинган ҳақоратлардан норозилигини билдириб, оғир ўйинлардан сўнг футболчиларга ҳам руҳий босимга бардош бериш қийинлигини таъкидлади.
“Бизда ҳам ҳиссиётлар бор. Кўряпсизми, тўп дарвозага кирмаяпти. Нега сен ҳақорат қиляпсан?”, дея мухлислардан бирига мурожаат қилди.
Айни дамда “Ордабаси” жамоаси Қозоғистон чемпионатида 22 учрашувдан сўнг 39 очко билан учинчи ўринда бормоқда.
Маълумот учун, ўзбекистонлик ҳужумчи Жасур Яхшибоев ҳам ”Ордабаси” клубида ўйнайди.
Изоҳ (0)