Мадриднинг «Реал» жамоаси ҳамон Килиан Мбаппени қўлга киритиш истагида.
«Қаймоқранглилар» катта харажатлар бўлишига қарамасдан трансферни амалга оширишга тайёр, дея хабар беради La Gazzetta dello Sport. Мадридликлар президенти Флорентино Перес франциялик футболчининг «ПСЖ» билан тузган шартномасидан қўрқмаяпти. Мбаппе парижликлар сафидаги 3 йили учун 636 миллион евро ишлаб топади. Перес ушбу шартларни такрорлашга ҳам тайёр.
Трансфернинг умумий қиймати 1 миллиард еврони ташкил этиши мумкин. Унинг ичига Килианни парижликлардан сотиб олиш харажатлари, маош ва турли бонуслар киради.
Мбаппе жорий мавсум Лига 1 да 14 та ўйинда иштирок этиб, 12 та гол ва 2 та голли узатмага муаллифлик қилди.
Килиан 2022 йилнинг ёзида Мадрид клуби сафига ўтиши ҳақида кўплаб хабарлар тарқалган, бироқ якунда футболчи парижликлар билан шартномасини узайтирганди.
Изоҳ (0)