“Муҳташам юз йил” сериалида ҳатто хиёнатга ҳам бардош бера олган, энг таъсирли ва юракни эзувчи ҳикояларидан бири — вазир Иброҳим пошо ва султоннинг синглиси Хадича ўртасидаги севги ҳикояси барчанинг ҳавасини келтирган.
Сериалда ушбу никоҳдан Хурижихон ва Усмон исмли фарзандлар дунёга келгани ҳақида ҳам ҳикоя қилинади. Бундан ташқари, вазирнинг Кедер (Эсманур) исмли никоҳдан ташқари туғилган қизи ҳам бўлади. Аммо мазкур сериалда кўрсатилган ушбу воқеликлар тарихга зид эди.
“Муҳташам юз йил”даги ушбу жиҳат кўплаб тарихчиларнинг ғазабини келтирган, чунки реал ҳаётда Иброҳим Хадича султон билан оила қурмаган. Тарихнинг гувоҳлик беришича, 1524 йилнинг май ойида Сулаймон ҳақиқатан ҳам Иброҳим ва унинг келини учун икки ҳафталик ажойиб тўй қилиб берган, фақат келин бошқа қиз бўлган.
Иброҳим пошо Истанбул элитасининг ҳукмрон табақасига мансуб жуда бадавлат ва машҳур оиладан бўлган қиз — садр лавозимини эгаллаган Искандар пошонинг фарзандига уйланган. Бироқ уларнинг фарзандлари ҳақидаги маълумотлар бизгача етиб келмаган.
Хадича султон эса икки марта турмуш қурган. Унинг биринчи эри Искандар пошо бўлган. Кейин у Чобан Мустафо пошога турмушга чиққан. Бу никоҳда уларнинг беш нафар фарзанди дунёга келган. Сериалдан фарқли равишда, Хадичанинг бирорта фарзандига Усмон ёки Хурижихон исми берилмаган.
Маълумот учун: Иброҳим пошо Султон Сулаймон I даврида Усмонли империясининг бош вазири бўлган. Султон буйруғи билан ўлимга маҳкум этилгунга қадар у ўз лавозимида 1536 йилгача қолган. Хадича султон Сулаймон султон I нинг опа-сингилларидан бири. У Салим I ва Ойша Ҳафса Султоннинг қизи бўлган.
Изоҳ (0)