“Муҳташам юз йил” сериалининг 139 та эпизоди тўрт йил давомида суратга олинди. Баъзи мухлислар ҳаракатга бой эпизодларни яхши кўради, бошқалари эса қаҳрамонлар ўртасидаги романтик лаҳзалар кўп бўлган қисмларни ёқтиришади.
33-қисм (19,61 миллион томошабин)
Иккинчи мавсумда фильм иждкорлари сюжетга Кастилия маликаси Изабеллани киритади. У Хуррамни четга суриб, Сулаймоннинг қалбини забт этиши керак эди. Хуррам рақибидан қутулмоқчи бўлиб, унга заҳарли совға жўнатгани томошабинларда алоҳида қизиқиш уйғотади.
34-қисм (19,5 миллион томошабин)
Мухлислар Хуррамнинг қилмишидан шу қадар ҳайратда қолишадики, кейинги эпизод экранларга янада кўпроқ одамларни жалб қилади. Ушбу эпизодда мухлислар Изабелла мўжизавий тарзда тирик қолганини билиб олдилар, Сулаймоннинг севгилисининг ҳийлалари тескари таъсирга олиб келади. Султон бўш вақтини малика билан ўтказа бошлайди. Шунингдек, эпизодда Ҳадиченинг ўғли вафот этган, Иброҳим ҳам заҳарланган.
41-қисм (15,62 миллион томошабин)
Хуррам хиёнатда айбланиб, саройдан ҳайдалган эпизод ҳам катта аудиторияни жалб қилади. Эпизодда Волида султон Хуррам султонни ўлдиришни режалаштирган. Яхшиямки, у тузоқдан қочади. Ўшанда Сулаймон Хуррамнинг унга қанчалик ғамхўрлик қилишини тушунади ва уни топишга қарор қилади.
47-қисм (16,41 миллион томошабин)
Томошабинларга, айниқса, ҳарамдаги ҳаётнинг барча интригалари ва хавф-хатарлари тасвирланган эпизодлар жуда ёқади. Шундай қилиб, 47-қисмда канизаклар Сулаймон ҳарбий юришга кетганда Хуррамдан қутулмоқчи бўлишади. Кейин бу ишга Волида султон аралашади ва Лолазор хотун билан бўлган фожиада Хуррамни айблайди.
56-қисм (15,14 миллион томошабин)
Лекин Хуррам ҳам жим ўтирмайди, рақибларига қарши курашишга қарор қилади. Шундай қилиб, иккинчи мавсумнинг энг машҳур эпизодларидан бирида Хуррам Волида султонга Эфсуннинг ҳомиладорлиги ҳақидаги ҳақиқатни очиб беради. У зудлик билан Эфсунни ҳомилани олдиришга мажбур қилади, натижада Мустафонинг канизаги қон кетишидан вафот этади.
83-қисм (13 миллион томошабин)
Рейтинглар тушишидан сақланиш учун ижодкорлар сюжетга Фирузани киритади. Аммо Иброҳим қатл этилгандан кейинги эпизод энг машҳурлардан бирига айланди. Томошабинлар Сулаймоннинг кутилмаган қарори қандай оқибатларга олиб келишини билишни исташди.
124-қисм (13,85 миллион томошабин)
Турк мухлислари актриса алмашгани сабабли “Муҳташам юз йил”нинг якуний мавсумидан мамнун эмас. Бироқ Мустафонинг ўлимининг оқибатлари ҳақида ҳикоя қилувчи эпизод сериалнинг якунидан ҳам кўпроқ эътибор тортади.
Изоҳ (0)