«Муҳташам юз йил» сериали ҳақида ҳатто уни томоша қилганлар ҳам билмайдиган 9 та факт

Турк сериаллари қамрови ва қизиқарли сюжети билан томошабинлар қалбидан жой олганига анча бўлди. Аммо улардан бири шу қадар машҳур бўлдики, у турк киносаноатининг доимий юлдузига айланди. Албатта, гап «Муҳташам юз йил» сериали ҳақида кетмоқда.

«Муҳташам юз йил» сериалнинг махсус жанри – дизига мансуб

Дизи (тур. дизи — «сериал») — кенг кўламли эпопея бўлиб, унинг ҳар бир эпизоди тахминан 2 соат давом этади. Ҳар бир сериалнинг ўзига хос саундтреклари бўлиб, унда 50 тагача бош қаҳрамон бўлиши мумкин. Бундай сериалларнинг аксарияти турк маданиятини акс эттиради.

Одатда эпизодлар тиғиз иш жадвалини ҳисобга олган ҳолда ҳафтада 6 кун Истанбул марказида суратга олинади ва ижодий гуруҳ кунига 18 соатгача ишлаши мумкин.

Ҳозирги кунда ҳарамга ҳар ким ташриф буюриши мумкин

«Муҳташам юз йил»нинг барча асосий интригалари султон ҳарамида содир бўлади. Ҳарам эса султон яшаган, элчиларни қабул қилган ва давлат ишларини ҳал қилган Тўпкапи саройида жойлашган. Ҳозирда бинода музей ва архив бор, саройнинг ўзи ҳамма учун очиқ.

«Муҳташам юз йил» эътироф билан бирга кўплаб танқидларга учраган

Машҳур бўлишига қарамай, Туркиянинг ўзида бу сериал султон Сулаймон образини бузиб кўрсатгани учун танқид қилинган. Кўплаб томошабинлар ҳукмдорнинг шахсий ҳаёти тасвирланганидан ғазабланиб, норози бўлишади ва кийим-кечакларни жуда очиқ деб танқид қилишади.

Сериал маданий йўналиш — оттоманиянинг бир қисмидир

«Муҳташам юз йил» бошқа сериаллар сингари турк маданиятини оммалаштиришдан иборат бўлган оттомания билан боғлиқ.

Бу Усмонлиларнинг пазандачилик китобларини кенг ёйиш, Усмонли услубидаги ҳаммом учун раковиналар услуби, туркий хаттотликда ёзилган тўй таклифномалари, тарихий бичимлардан илҳомланган байрам либослари ва бошқалар билан боғлиқ.

Сериал Марям Узерли учун нажотга айланган

Хуррам образини яратган Марям Узерли сериал ҳақида шундай дейди: «Ўша вақтда тайинли ишим йўқ эди, ижара ҳақини қандай тўлашни билмасдим. Сериалда ўйнай оламан деб умид қилгандим. Ўша пайтда мен «Муҳташам юз йил»нинг муваффақияти ҳақида ҳеч қандай тасаввурга эга эмасдим, ҳеч ким воқеалар қандай бўлишини билмас эди. Фақат мендан талаб қилинадиган нарсаларга эътибор қаратдим ва Хуррам ролини гавдалантирдим. Сценарийни ўқиб, қаҳрамоним бошидан кечирган ҳис-туйғулардан ҳайратда қолдим».

Иброҳим пошо ҳеч қачон султоннинг синглисига уйланмаган

Сериалнинг энг таъсирли ва юракни эзувчи ҳикояларидан бири — вазир Иброҳим пошо ва султоннинг синглиси Хадиче ўртасидаги севги ҳикоясидир. Бироқ бу нарса тарихчиларнинг ғазабини келтиради, чунки реал ҳаётда султон Сулаймон Иброҳим пошони Истанбул элитасининг ҳукмрон табақасига мансуб жуда бадавлат ва машҳур оиладан бўлган қизга уйлантирган.

Иброҳим Хадиче султон билан оила қурмаган. Тарихнинг гувоҳлик беришича, 1524 йилнинг май ойида Сулаймон ҳақиқатан ҳам Иброҳим ва унинг келини учун икки ҳафталик ажойиб тўй қилиб берган, фақат келин бошқа қиз эди.

«Муҳташам юз йил» либослари дабдабали, аммо тарихни акс эттирмайди

«Муҳташам юз йил»даги либослар жуда яхши ўйланган ва тикилган, аммо улар Усмонли даври модаси билан боғлиқ эмас. Ҳарамда аёллар корсетли, очиқ кўйлакларни кийишмаган ва кийиш ҳам мумкин эмас эди. Улар устларига кенг кафтанлар илиб, шалвор кийган. Сериалда бизга кўрсатилган либослар ўша даврдаги француз модасига яқинроқ.

Кутилмаган ҳолатлар туфайли Хуррам роли учун янги актриса қидирилган

«Муҳташам юз йил» фильмининг продюсерлари суратга олиш жараёнида кутилмаган муаммога дуч келади. Томошабинлар қалбидан жой олган Марям Узерли тўсатдан лойиҳани тарк этиб, суратга олиш гуруҳини ҳайратда қолдиради. Ўша пайтда у 100 та эпизодда ўйнаганди.

У жуда кам гонорар туфайли кетгани ҳақида миш-мишлар тарқалади. Аммо актрисанинг севгилиси Марямнинг соғлиғида муаммолар пайдо бўлгани ва ишидан чарчаганини айтади. Шифокорнинг маълумотномаси бўлишига қарамай, продюсерлар бунга ишонмайди.

Шунинг учун 103-қисмдан бошлаб, кекса Хуррам ролини актриса Ваҳиде Перчин ўйнайди, у атиги 32 эпизодда ўйнаган бўлса-да, ролини аъло даражада ижро этади.

Афсонавий сериални яратиш жараёни ҳақида алоҳида фильм суратга олинади

«Муҳташам юз йил» фильми экранларга чиққандан сўнг, сериал қандай яратилгани ҳақида фильм ишланади. У лойиҳа устида ишлаш жараёни ҳақида батафсил маълумот беради ва кўрсатади. Фильмда сериал мухлислари суратга олиш муҳитини ҳис қилишлари, шунингдек, ўз таассуротлари билан ўртоқлашган актёрларнинг эксклюзив интервьюларини эшитишлари мумкин.

Фильмда ҳайратга солувчи ҳисоб-китоблар ҳам мавжуд. «Муҳташам юз йил»нинг суратга олиш майдони 4 минг квадрат метрни ташкил этган. Суратга олиш гуруҳида 130 киши, 25 нафар либослар дизайнери бўлиб, 50 минг метр мато, 1000 та қилич, 4 мингта тож ва саллалардан фойдаланилган.