“Muhtasham yuz yil” serialida hatto xiyonatga ham bardosh bera olgan, eng ta’sirli va yurakni ezuvchi hikoyalaridan biri — vazir Ibrohim posho va sultonning singlisi Xadicha o‘rtasidagi sevgi hikoyasi barchaning havasini keltirgan.
Serialda ushbu nikohdan Xurijixon va Usmon ismli farzandlar dunyoga kelgani haqida ham hikoya qilinadi. Bundan tashqari, vazirning Keder (Esmanur) ismli nikohdan tashqari tug‘ilgan qizi ham bo‘ladi. Ammo mazkur serialda ko‘rsatilgan ushbu voqeliklar tarixga zid edi.
“Muhtasham yuz yil”dagi ushbu jihat ko‘plab tarixchilarning g‘azabini keltirgan, chunki real hayotda Ibrohim Xadicha sulton bilan oila qurmagan. Tarixning guvohlik berishicha, 1524-yilning may oyida Sulaymon haqiqatan ham Ibrohim va uning kelini uchun ikki haftalik ajoyib to‘y qilib bergan, faqat kelin boshqa qiz bo‘lgan.
Ibrohim posho Istanbul elitasining hukmron tabaqasiga mansub juda badavlat va mashhur oiladan bo‘lgan qiz — sadr lavozimini egallagan Iskandar poshoning farzandiga uylangan. Biroq ularning farzandlari haqidagi ma’lumotlar bizgacha yetib kelmagan.
Xadicha sulton esa ikki marta turmush qurgan. Uning birinchi eri Iskandar posho bo‘lgan. Keyin u Choban Mustafo poshoga turmushga chiqqan. Bu nikohda ularning besh nafar farzandi dunyoga kelgan. Serialdan farqli ravishda, Xadichaning birorta farzandiga Usmon yoki Xurijixon ismi berilmagan.
Ma’lumot uchun: Ibrohim posho Sulton Sulaymon I davrida Usmonli imperiyasining bosh vaziri bo‘lgan. Sulton buyrug‘i bilan o‘limga mahkum etilgunga qadar u o‘z lavozimida 1536-yilgacha qolgan. Xadicha sulton Sulaymon sulton I ning opa-singillaridan biri. U Salim I va Oysha Hafsa Sultonning qizi bo‘lgan.
Izoh (0)