Ҳормузга кирмоқчи бўлган АҚШ ҳарбий кемасига ракеталар учирилди

Эрон ҳарбий-денгиз кучлари 4 май куни “Америка-сионистик” ҳарбий кемасининг Ҳормуз бўғозига киришига тўсқинлик қилиб, иккита ракета учирди. Бу ҳақда мамлакат давлат телеканалига таяниб Reuters хабар берди.

Фарс ахборот агентлигининг ёзишича, АҚШ ҳарбий кемаси Эрон огоҳлантиришларига эътибор бермаган. Шундан сўнг Уммон кўрфазидаги Жаск шаҳри яқинида ушбу кемага иккита ракета учиб тушган.

Reuters агентлиги ушбу хабарларни мустақил манбалар орқали тасдиқлай олмади. АҚШ томони ҳам ҳодисага нисбатан ҳали расмий муносабат билдирмади.

АҚШ президенти Дональд Трамп минтақада қолиб кетган кемаларни олиб чиқиш режасини эълон қилганди. Трамп ўзининг Truth Social тармоғида шундай деб ёзди:

“Биз ушбу давлатларга кемаларини чекланган сув йўлларидан хавфсиз олиб чиқишимизни айтдик. Токи улар ўз ишларини эркин давом эттира олсин”.

Икки ойдан ортиқ давом этаётган ушбу урушда кўплаб кемалар ва уларнинг экипажлари сув йўлида қолиб кетган. Уларнинг озиқ-овқат ва бошқа захиралари тугаб бормоқда.

Эроннинг кескин жавоби

Бунга жавобан, 4 май куни Эрон АҚШ кучларини стратегик сув йўлига кирмаслик ҳақида огоҳлантирди. Эрон бирлашган қўмондонлиги савдо ва нефть ташувчи кемаларга Эрон ҳарбийлари билан мувофиқлаштирилмаган ҳар қандай ҳаракатдан тийилишни буюрди.

Қўмондонлик раҳбари Али Абдуллаҳи ўз баёнотида шундай деди:

“Ҳормуз бўғози хавфсизлиги бизнинг қўлимизда. Кемаларнинг хавфсиз ўтиши қуролли кучлар билан келишилиши шарт. Агар хорижий кучлар, айниқса, тажовузкор АҚШ армияси бўғозга яқинлашса, уларга ҳужум қилинади”.

Уруш бошлангандан бери Эрон деярли барча халқаро юк ташувларини тўсиб қўйган. Бу дунёдаги нефть ва газ етказиб беришнинг бешдан бир қисмини тўхтатиб қўйди. Оқибатда жаҳон бозорида нефть нархи 50 фоиздан кўпроққа кўтарилиб кетди.

Ўз навбатида, АҚШ Марказий қўмондонлиги (CENTCOM) ҳам Теҳронга босим ўтказиш учун Эрон портларини блокадага олган. CENTCOM кемаларни қутқариш операциясига 15 минг нафар ҳарбий хизматчи, 100 дан ортиқ самолёт ва ҳарбий кемалар ҳамда дронлар жалб қилинишини билдирди.

Адмирал Бред Купернинг таъкидлашича, бу мудофаа миссияси минтақавий хавфсизлик ва глобал иқтисодиёт учун ўта муҳимдир. АҚШ айни вақтда денгиз блокадасини ҳам давом эттирмоқда.

Эрон Ҳормузни АҚШ учун “кемалар қабристони”га айлантиришдан огоҳлантирди

Эрон олий раҳнамосининг ҳарбий маслаҳатчиси Муҳсин Ризоий АҚШ учун Ҳормуз бўғозини “кемалар қабристони”га айлантиришдан огоҳлантирди .

“АҚШ — авиаташувчига эга дунёдаги ягона қароқчи давлатдир. Бизнинг қароқчиларга қарши курашиш қобилиятимиз ҳарбий кемаларни чўктириш имкониятларимиздан асло қолишмайди. Самолётингиз қолдиқлари Исфаҳонда қолганидек, кемаларингиз ва қўшинларингиз ҳам қабристонга тушишига тайёр туринг”, деди Ризоий.

Бугун, 19:24

American University of Technology 31 майгача ҳужжат топширганларга чекланган 25% грантни таклиф этади

Бугун, 10:53

Мундиалгача: 2002 йилги ярим финалчи ва Осиёнинг етакчиси – ЖЧ-2026 иштирокчиси Жанубий Корея терма жамоаси билан танишамиз

Спорт

Бугун, 18:14

Ўзбекистонда 2025 йилда қайси компаниялар энг кўп имтиёз олгани маълум бўлди

Ўзбекистон

Бугун, 18:13

APEX BANK PCI DSS халқаро стандартига мувофиқлигини тасдиқлади ва Visa глобал реестрига киритилди

Бугун, 09:00

Ўзбекистон

Ўзбекистонда 086-шаклдаги тиббий маълумотномани онлайн юклаб олиш хизмати ишга тушди

Маълумотнома порталда шаклланиши учун фуқаро аввал тегишли тиббиёт муассасасида шифокорлар кўригидан ўтган бўлиши керак. Хизматдан фойдаланиш бепул ва ҳеч қандай ҳужжат талаб этилмайди.

Бугун, 18:59

Ўзбекистонда 2025 йилда қайси компаниялар энг кўп имтиёз олгани маълум бўлди

Бугун, 18:13

Видео: Сурхондарёда нефтьдан тозаланаётган сув ҳавзалари

Бугун, 17:21

Ўзбекистонда доллар курси яна кўтарилди

Бугун, 16:05

Сукут учун 200 минг доллар: Нукусда собиқ ходим бошлиғини шантаж қилди

Бугун, 15:53

Дунё

Сукунат ичидаги саросима: Путин фитна ёки давлат тўнтаришидан жиддий ташвишда(ми)?

Бугун, 18:30

Австрия Россия дипломатларини ҳайдаб юборди

Бугун, 18:24

Кремлдан 6 км узоқликдаги бинога дрон келиб урилди (видео)

Бугун, 16:30

Амстердамда гўшт ва ёқилғининг ташқи рекламаси тақиқланди

Бугун, 16:05