Истеъдодли, муваффақиятли, лекин ёлғиз: турмушга чиқмаган турк актрисалари (фото)

Иқтидорли, жозибали, Туркияда ҳам, хорижда ҳам кўплаб мухлисларига эга мазкур актрисалар карьерасида омадли бўлса-да, шахсий ҳаётларини тартибга сололмаган.

Фелиз Аҳмет (40 ёш)

“Муҳташам юз йил” телесериалидан танилган Фелиз Аҳмет тақдирини боғлай оладиган одамни ҳали учратмаганини айтади. Ижодий фаолияти давомида актриса 13 та лойиҳада иштирок этган. Сўнгги “Профит” сериали 2019 йилда чиқди.

Фелиз дарҳол актрисалик касбини танламаган. Бу қарорга келишдан олдин у тиббиёт лицейини тамомлаган. Аммо театрга иштиёқманд бўлиб, лицейни тугатгач, профессионал таълим олишга ва актриса бўлишга қарор қилади. У Македониядаги Тасвирий санъат академиясида ўқиган, сўнгра Туркияга кўчиб ўтган ва ўз фаолиятини саҳна актрисаси сифатида бошлаган, сўнгра фильмларда рол ўйнай бошлаган.

Актриса 4 та — швед, инглиз, македон, турк тилларида эркин сўзлашади. У саёҳат қилишни яхши кўради. Ёлғизлигининг сабабини у банд бўлган иш тартиби, ҳар йили янги лойиҳа деб билади. Бундан ташқари, у ҳақиқий дўсти ва умр йўлдошига айланадиган одам билан учрашишни орзу қилади.

Жансу Дере (41 ёш)

Жансу Дере нафақат гўзал аёл, балки машҳур актриса ҳамдир. Жансу ўз фаолиятини подиум ва гўзаллик танловларида қатнашишдан бошлаган. У таниқли дизайнерлар билан ҳамкорлик қилди, унинг фотосуратлари кўпинча машҳур журналларнинг муқоваларини безаб турарди.

Модель сифатидаги карьерасидан кейин уни фильмлар ва телесериалларда суратга тушишга таклиф қилина бошлашади. Унинг 2003 йилда бошланган актрисалик фаолиятини муваффақиятли деб ҳисоблаш мумкин. 2021 йилда Жансу Лотин Америкасининг Проду Awards мукофотини испан бўлмаган энг яхши актриса сифатида қўлга киритади.

6 йил давомида Жансу ишдаги ҳамкасби Жем Йилмаз билан учрашади, аммо шиддатли романтика ажралиш билан якунланади. Қисқа вақт ичида актриса медиа директори Жем Ойдин билан муносабат ўрнатади. Гарчи кейинчалик бирга бўлолмаган бўлсалар ҳам, у Жансунинг “Муҳташам юз йил” фильмида рол ўйнашига ёрдам беради.

“Муҳташам юз йил”нинг суратга олиш жараёнида актрисанинг сериалдаги ҳамкасби Ҳалит Эргенч билан ҳам ишқий муносабатда бўлгани ҳақида миш-мишлар тарқалади, бироқ актриса бу миш-мишларни дарҳол рад этади. Бергузар Корел ҳам уни қўллаб-қувватлаб, Жансу билан опа-сингилдек эканини айтади.

Дениз Чақир (39 ёш)

Дениз мактабни тугатгач, ўз шаҳридаги театр академиясига ўқишга киради, сўнгра давлат театр университетида ўқишни давом эттиради. У 2004 йилда актёрлик фаолиятини бошлаган ва ижодий фаолияти давомида 14 та лойиҳада иштирок этган. У “Хазонрезги”, “Муҳташам юз йил”, “Мафия дунёни бошқаролмайди” сериалларида рол ўйнаган.

Актриса шахсий ҳаёти ҳақида гапиришни ёқтирмайди, лекин унга боғлиқ баъзи жиҳатлар ҳаммага маълум. “Хазонрезги” сериалини суратга олиш жараёнида Чақир ҳамкасби Никҳат Олтинкая билан учраша бошлайди. Узоқ муддатли муносабатларга қарамай (2 йилдан ортиқ), номаълум сабабларга кўра уларнинг ораси бузилади.

Дениз иккинчи марта “Иффат” лойиҳасида рол ўйнаган актёр Иброҳим Челиккол билан омадини синаб кўради. Муносабат уч йил давом этади ва Чақир Иброҳимнинг хиёнати ҳақида билгач, ҳаммасига нуқта қўяди.

Шунингдек, у актёр Фират Доруўғли билан ҳам учрашиб юрган, аммо муносабатлар тўйгача етиб бормаган.

2015 йилда уни “Мафия дунёни бошқаролмайди” телесериалидаги ҳамкасби Окати Кайнаржа билан кўришади. Сценарийга кўра, уларнинг қаҳрамонлари бир-бирига ошиқ бўлиши керак, аммо актёрлар ўзаро муносабатларини ҳақиқий ҳаётга олиб киришган. Аммо тез орада жуфтлик ажралишади.

Афсуски, актрисанинг шахсий ҳаёти унинг карьераси каби муваффақиятли эмас, у ҳалигача турмушга чиқмаган. Чакир ўз интервьюсида никоҳининг бир-бирига бўлган ишонч ва ҳурмат асосида қурилишини исташини айтади. Кўринишидан, актриса ўзи ишонадиган одамни учратмаган.

Мине Тугай (43 ёш)

“Қулупнай ҳиди” сериалидаги мафтункор Элчин, “Тўлқин”даги меҳрибон Эндер, “Золим Истанбул”даги шижоатли Шениз Карачай. Унинг фильмографияси 24 та лойиҳани ўз ичига олади.

Мине ҳамиша актриса бўлишни орзу қилар, лицейда ўқиб юрган чоғида ҳам театр спектаклларида фаол иштирок этган. Лицейни тугатгач, Истанбул университетининг актёрлик факультетида ўқишни давом эттиради. У ўзининг 15 йиллик ижодий фаолиятини Истанбулдаги “Самовар” театрида ишлашга бағишлаган ва бир қатор театр мукофотларига сазовор бўлган.

2002 йилда у “Гулбаёз” мини-сериалида Башак ролида дебют қилади. Ўшандан бери у ҳар йили телесериаллар ва фильмларда рол ўйнайди.

Мине шахсий ҳаёти ҳақида гапиришни истамайди. Актриса ўзини ижодга фидокорона бағишлаб, карьерасини муваффақиятли қурмоқда. Тиғиз иш жадвали туфайли шахсий ҳаёти учун вақти йўқ. Шуни таъкидлаш керакки, актрисанинг муносабатлари ҳақида жуда кам маълумот мавжуд. 43 ёшли турк кино юлдузи турмушга чиқмаган. Мине Тўғай ёшига қараганда ажойиб кўринади.