Машҳур сериаллардаги образи орқали ўзбек томошабинлари кўнглидан жой олган турк актрисалари билан танишиб чиқинг.
Марям Узерли
«Муҳташам юз йил» сериалида Усмонли ҳукмдори Султон Сулаймоннинг рафиқаси Хуррам Султон ролини ижро этганлиги туфайли машҳурликка эришган Марям Узерлини энг севимли турк актрисаларидан бири деб ҳисоблаш мумкин. Маълумки, Марям немис-турк оиласида туғилган, болалиги ва ёшлиги Германияда ўтган.
Токи дўсти унга янги лойиҳада синовдан ўтиш учун Истанбулга келишни маслаҳат бермагунча, у машҳурлик ҳақида ўйлаб ҳам кўрмаганди. «Муҳташам юз йил» ижодкорлари узоқ вақтдан бери бош ролга актриса излар, лекин муносибини топа олишмаган. Уларга турк тилида талаффуз билан гаплашадиган қиз керак бўлди ва бу рол Узерлига насиб қилган.
Аввалига унга ҳамкасбларини тушунмаганлиги учун бу ишни бажариш қийин бўлди. Бироқ, вақт ўтиши билан у турк тилини ўрганди ва хотиржам ишлай бошлади. Суратга тушиш ишларидан ташқари ҳамкорлар билан мулоқот қила олди.
«Менга Хуррам Султонни ўйнаш ёқарди. У ҳаётида жуда кўп психологик қийин бурилишларга эга бўлган ақл бовар қилмайдиган кучли аёл эди ва у шу орқали ҳамма нарсага эришди. Бу образнинг бир қисми бўлиш ёқимли эди. Албатта, актриса қаҳрамоннинг айнан ўзи бўлолмаса-да, характери, овози ва ҳис-туйғуларини унга бағишлайди», – дейди актриса.
2013 йилда актриса лойиҳани тарк этди, бу мухлислар учун яхши янгилик эмасди. Маълум бўлишича, Марям соғлиғи туфайли шундай қарорга келган, чунки у доимий суратга тушиш ишлари туфайли аҳволи ёмонлашган.
Марям Узерлининг «Муҳташам юз йил» тарихий сериали туфайли дунё юлдузига айлангани ҳеч кимга сир эмас. Бугунда у ҳам немис, ҳам турк фильмларида, жумладан, «Она яраси», «Тун маликаси», «Нариги тараф» ва бошқа фильмларда суратга тушган.
Нур Феттаҳўғлу
Нур «Муҳташам юз йил»нинг яна бир юлдузи бўлиб, унда Хуррамнинг рақиби Моҳидаврон Султон ролини ўйнади. Қизиғи шундаки, дастлаб Феттаҳўғлу актриса бўлишни режалаштирмаган, у молия тизимида фаолият юритган.
Унинг истеъдодини кўра олган ва экранга чиқишига ёрдам берган инсон биринчи турмуш ўртоғи Мурат Айсан эди. «Муҳташам юз йил»дан кейин Нур «Ҳаёт йўлида», «Опа-сингил фарзандлари», «Бобил», «Қўрқмас» ва бошқа фильмларда ҳам суратга тушган.
Пелин Карахан
Пелин ҳам ҳамкасби Нур Феттаҳўғлу сингари актриса бўлишни орзу қилмаган, бироқ туризм ва меҳмонхона бизнеси йўналишида университетда ўқиб юрган чоғида Карахан реклама роликларида рол ўйнаган ва актрисалик унинг касби эканини тушунган. Унинг дебюти 2005 йилда намойиш этилган «Жемал» фильмидаги эпизод роли билан бошланган.
Лекин ҳақиқий муваффақиятга Пелин «Муҳташам юз йил» сериалида Меҳримоҳ Султон ролини ўйнагач эришди. Актриса нафақат Туркияда, балки чет элда ҳам машҳур.
Фахрие Эвжен
Актриса 2013 йил «Чолиқуши» сериали орқали кўплаб томошабинлар кўнглидан жой олган. Айнан суратга олиш майдончасида у бўлажак турмуш ўртоғи Бурак Ўзчивит билан учрашган.
Кейин улар биргаликда «Севги сенга ўхшайди» драмасида ўйнаган. 2017 йилда бўлиб ўтган Эвжен ва Ўзчивитнинг тўйи Туркияда йил тўйи деб номланди. Икки йил ўтиб, жуфтликнинг Каран исмли ўғли дунёга келди.
Неслиҳан Атагул
Айтганча, Бурак Ўзчивит «Севги изтироби» телесериалида Неслиҳан Атагул билан ажойиб жуфтлик ролини ижро этган. Бурак ва Неслиҳанни ишқий муносабатлари ҳақида миш-мишлар ҳам тарқалган, аммо улар буни рад этган. Ўша пайтда актёр аллақачон Фаҳрие билан учрашган ва актриса эса Кадир Доғулу билан турмуш қурган эди. Неслиҳанни яна бир ажойиб сериал – «Элчининг қизи»да ҳам кўриш мумкин.
Буржу Ўзберк
Кўп томошабинлар Буржуни «Муҳташам юз йил» сериалида Иброҳим пошо ва Хадича Султоннинг қизи Хурижихон Султон, шаҳзода Боязиднинг суюклисини ижро этган роль билан эслайди. Бундай муваффақиятли лойиҳадан сўнг актрисага кўплаб таклифлар туша бошлаган. Ўзберк «Гунеш қизлари», «Ажойиб куёв» сериалларида рол ўйнаган.
Ханде Эрчел
Ҳозирда дунё бўйлаб машҳурликда илғор бўлган актриса деб Ханде Эрчелни айтиш мумкин. Айнан у бошқа мамлакат телеканалларида ва кино платформасида намойиш этилаётган «Эшигимни қоқ» сериалида бош ролни ижро этган.
Ханде ўз фаолиятини моделликдан бошлаган ва 19 ёшида Озарбайжонда ўтказилган гўзаллик танловида иккинчи ўринни эгаллаган. Актрисанинг дебюти «Чолиқуши» телесериалидаги кичик ролдан иборат эди.
Шундан кейин унинг карьераси гуллаб-яшнади: Эрчел «Гунеш қизлари«, «Маликам, энди қара», «Қора марварид», «Ҳалқа» ва албатта, бошқа картиналарда суратга тушди. «Эшигимни қоқ» сериалининг суратга олиш майдончасида у Керем Бурсин билан танишди ва уларнинг жиддий муносабати омма орасида шов-шувга сабаб бўлмоқда.
Изоҳ (0)