Фарғона вилоят қўғирчоқ театри жамоаси Эронда ўтказилган халқаро фестивал ғолиби бўлди. Бу ҳақда Фарғона вилояти ҳокимлиги хабар қилди.
Жорий йилнинг 1-7 ноябрь кунлари Эрон Ислом Республикасининг Хомадан шаҳрида 29-Халқаро болалар ва ўсмирлар театр фестивали ўтказилган. Унда Эрон, Ўзбекистон, Арманистон, Ироқ, Бразилия, Туркия ва Россиядан йигирмага яқин халқаро жамоалар иштирок этган.
Мазкур фестивалда Фарғона вилоят қўғирчоқ театри миллий театрлар йўналиши бўйича иштирок этиб, Сергей Седухин асари асосида саҳналаштирилган “Мусиқали чойхона” спектаклини намойиш этган.
Фестивал якуний натижаларига кўра “Энг яхши хорижий спектакл” номинацияси ғолибига айланган.
"Маҳаллий аҳоли томонидан ўзига хос иштиёқ билан кутиб олиндик. Фестивал биз учун ғаройиб ва қимматли бир тажриба бўлди ҳамда томошабинлар томонидан кўрсатилган илиқ муносабатлар доимий равишда бизга ҳамроҳлик қилди. Саҳна ишларини томошабинлар ҳис-туйғулари билан уйғунлаштириш, улар билан танишиш ва спектакл давомида олинган ҳис-туйғуларни ифодалаш мен ва менинг гуруҳим учун такрорланмас тажриба бўлди", дейди спектакл продюсери ва театр раҳбари Таваккал Султонов.
Изоҳ (0)