Жорий йилнинг январь сентябрь ойларида қонунбузилиши ҳолатлари юзасидан бизнес омбудсман томонидан амалга оширилган ишлар ҳақида маълумот берилди.
Жумладан, бизнес омбудсман 9 ой давомида 1836 та таъсир чораси кўрган. Шундан 47 та даъво аризаси ва шикоят, 38 та тақдимнома, 24 та хулоса, 6 та огоҳнома ва 1721 та маъмурий чора қўлланилган.
Судлар томонидан тўққиз ой давомида жами 15,1 млрд сўмлик даъво тадбиркорлар фойдасига ҳал этилган.
“Агар фаолиятингизда турли тўсиқларга учраётган бўлсангиз, Бизнес-омбудсманга 1100 қисқа рақами, Тадбиркорлар виртуал офиси ёки info@biznesvakil.uz электрон манзили орқали мурожаат йўлланг” дейилади хабарда.
Аввалроқ Бизнес омбудсман эндиликда экспорт операциялари бўйича қўшилган қиймат солиғи (ҚҚС) суммаси ўрнини қоплаш анча осонлашиши ҳақида маълум қилганди.
Жумладан:
- Солиқ тўловчилардан товарларнинг экспорт қилинганини тасдиқловчи божхона ҳужжатларини солиқ органларига тақдим этиш талаб қилинмайди.
- Божхона органлари томонидан электрон тарзда тақдим этилган маълумотлар экспортни тасдиқлаш учун етарли ҳисобланади.
Ушбу янги тартиб жорий фармон кучга киргунга қадар бўлган даврдаги ҚҚС қоплаш учун берилган аризаларга ҳам татбиқ этилади.
Изоҳ (0)