Тошкент халқаро аэропорти орқали хорижий мамлакатга учиб кетаётган фуқаронинг қўл сумкаси текширилганда, унинг ичида қадимий тангалар ва қуйма олтин бўлаклари борлиги аниқланди. Бу ҳақда Давлат божхона қўмитаси хабар берди.
Умумий оғирлиги 187 грамм бўлган 6 дона олтин қуймаси ҳамда 7 дона хитой иероглифлари туширилган тангалар уддабуронлик билан косметика креми ичига яширилган.
Ушбу фуқаро шахсий кўрикдан ўтказилганида, унинг ёнида оғирлиги 20 грамм бўлган қуйма тилла узук ҳам борлиги аниқланган.
Ашёвий далил сифатида олинган ушбу буюмларнинг умумий қиймати 223 млн сўмни ташкил қилади.
Ҳозирда мазкур ҳолат юзасидан божхона органлари томонидан жиноят иши қўзғатилган.
Изоҳ (0)