Фарғона вилоятида божхона ходимлари 900 миллион сўмлик iPhone 16 Pro Maxларнинг ноқонуний олиб кирилишига чек қўйишди. Бу ҳақда Фарғона вилояти божхона бошқармаси ахборот хизмати “Дарё”га маълум қилди.
Божхона бошқармаси, ДХХ ва ИИБ ходимлари билан ҳамкорликда Фарғона туманида ўтказилган тезкор тадбирда чегарадош ҳудудда аввалдан тезкор кузатувга олинган шахс бошқарувидаги Lacetti автотранспорт тўхтатилиб белгиланган тартибда холислар иштирокида кўздан кечирилган.
Ушбу автомашина салони ва юкхонасида хорижда ишлаб чиқарилган, божхона расмийлаштирувидан ўтганлигини тасдиқловчи ҳужжатлари бўлмаган 44 дона iPhone 16 Pro Max уяли алоқа воситалари борлиги аниқланган.
Ҳозирда ҳолат юзасидан божхона органлари томонидан терговга қадар текширув ҳаракатлари олиб борилмоқда.
Аввалроқ танага яширилган, асал ичига тиқилган дорилар чегарада ушлаб қолини ҳақида хабар берилган эди.
Изоҳ (0)