“Ғишткўприк” чегара божхона постида қиймати 380 млн сўмлик заргарлик буюмларини яширинча олиб ўтишга уринган шахс тўхтатиб қолинди. Бу ҳақда Тошкент вилояти божхона бошқармаси хабар берди.
Маълум қилинишича, мамлакатга ўтиш учун “Ғишткўприк” чегара божхона постига пиёда ҳолда кириб келган фуқаро ҳаракатлари божхона ходимларининг диққатини тортгач, у шахсий кўрикдан ўтказилган.
Натижада фуқаронинг оёғи ва ички кийимларига скотч билан ўраб яширилган умумий оғирлиги 450 грамм бўлган заргарлик буюмлари аниқланган.
Дастлабки ҳисоб-китобларга кўра, заргарлик буюмларининг қиймати 380 млн сўмни ташкил қилмоқда.
Ҳолат юзасидан божхона органлари томонидан суриштирув ҳаракатлари олиб борилмоқда.
Изоҳ (0)