Россия гвардиясининг моддий-техник таъминот бўлими бошлиғи ўринбосари генерал майор Мирза Мирзаев пора олганликда айбланиб ҳибсга олинди. Бу ҳақда “ТАСС” хабар берди.
Маълум қилинишича, Мирзаев 2025 йил 2 январгача ҳибсда қолади. Россия куч тузилмаларига яқин Маш Telegram каналининг ёзишича, Мирзаев тез қуриладиган бино модулларини етказиб берувчи компаниядан 140 миллион рубль пора талаб қилган. Акс ҳолда умумий қиймати 480 миллион рубль бўлган шартномани бекор қилиш билан таҳдид қилган. Машга кўра, компания воситачи орқали Мирзаевга маблағ ўтказган ва бу воситачи ҳам кейинчалик қўлга олинган.
Худди шундай иш бўйича июль ойида “Росгвардия”нинг яна бир генерали судланганди
12 июль куни коррупция иши бўйича Россия гвардияси Марказий округи қўмондонининг собиқ ўринбосари генерал майор Вадим Драгомирецкий судланганди. У ҳарбий унвонидан маҳрум қилиниб, 9 йил-у 6 ой муддатга қаттиқ тартибли колонияга жўнатилган. У Москва вилоятидаги ҳарбий қисмлардан бирини қайта қуриш билан шуғулланаётган пудратчи компаниядан мунтазан пора олганликда айбланган.
Мирзаев 28 миллион рубль пора олганликда айбланган. Собиқ генерал ўз айбига қисман иқрор бўлган ва олинган пулларнинг бир қисмини берган. Суд ҳукми чиқарилишидан олдин, айбланувчи ва унинг қўл остидаги подполковник Элдор Гажиев Украинадаги урушда иштирок этиш учун ариза берган.
Изоҳ (0)