Россия Федерал хавфсизлик хизмати директори Александр Бортников, ИИВ раҳбари Владимир Колоколцев, Тергов қўмитаси раиси Александр Бастиркин ва “Росгвардия” директори Виктор Золотов Crocus City Hall’да содир бўлган теракт тергови бўйича президент Владимир Путинга ҳисобот берди.
Россия етакчисининг матбуот хизматига кўра, ФВВ раҳбари Александр Куренков “президентга одамларни қутқариш бўйича кўрилган чоралар, жабрланганларга кўрсатилган ёрдамлар юзасидан маълумот берган”.
Куренковнинг таъкидлашича, қутқарув ишларида “махсус ва куч тузилмаларининг ходимлари” иштирок этган.
Москва вилояти Фавқулодда вазиятлар бошқармасининг маълумотларда келтирилишича, Crocus City Hall концерт залида юзага келган ёнғинни ўчиришга 477 нафар қутқарувчи, 183 та техника жалб этилган.
22 март куни Москва вилоятидаги “Пикник” гуруҳининг концерти бўлиб ўтаётган Crocus City Hall концерт залида номаълум шахслар ўт очди. Бинода портлаш содир бўлган ва ёнғин бошланган. Қурбонлар сони 60 дан ошгани айтилмоқда.
Изоҳ (0)