2022 йилнинг 26 июнь куни Ўзбекистоннинг саккизта шаҳрида бир вақтда, Ёшлар куни ва Олимпия куни халқаро спорт байрамига бағишланган «Янги нафас» спорт югуриш мусобақаси бўлиб ўтди.
«Бир ватанда, бир вақтда, бир масофага, бир мақсадда – бирга югурамиз!» шиори остида Тошкент, Чирчиқ, Гулистон, Фарғона, Наманган, Жиззах, Самарқанд ва Шаҳрисабзда 25 мингдан зиёд иштирокчи 3 километрлик югуриш мусобақасида қатнашди.
Мактаб ўқувчилари ва талабалар, жамоат арбоблари, тадбиркорлар, спортчилар ва ҳаваскорлар ушбу спорт байрамига қўшилди. Иштирокчилар сафида Оксана Чусовитина, Шаҳрам Ғиёсов, Асал Сапарбаева, Равшан Эрматов, Руслан Нуриддинов ва Акбар Жўраэв каби спортчиларни ҳам кўриш мумкин эди.
Халқаро олимпия қўмитаси президенти Томас Бах тадбир очилишида югуриш мусобақасининг иштирокчиларига табрик нутқи билан мурожаат қилди. Ўзининг видеомурожаатида у барчани, бугунги кунда ХОҚ иштирокчилари – 205 та мамлакатни бирлаштириб турувчи, Халқаро олимпия куни билан табриклаб, ёш авлодни спортни ҳаётларининг ажралмас қисмига айлантиришга чақирди.
Шунингдек, Олий ва ўрта махсус таълим вазирлиги, Спортни ривожлантириш вазирлиги ва Ёшлар ишлари агентлиги раҳбарияти ҳам табрик сўзи билан чиқди.
Асосий совринли ўринлардан ташқари, ташкилотчилар томонидан қуйидаги махсус номинациялар жорий этилди: «Ғалабага ирода учун», «Энг ёш иштирокчи», «Энг ёши катта иштирокчи».
Эркаклар- 1-ўрин: Шаҳром Абдураҳмонов (Ўзбекистон давлат жисмоний тарбия ва спорт университети)
- 2-ўрин: Жавоҳир Холиқбердиев (Қуролли кучлар академияси)
- 3-ўрин: Маъруф Ҳамроқулов (Ўзбекистон давлат жисмоний тарбия ва спорт университети)
- 1-ўрин: Ангелина Насибуллина (Чилонзор тумани болалар ва ўсмирлар спорт мактаби)
- 2-ўрин: Озода Ёндошева (Ўзбекистон Миллий университети)
- 3-ўрин: Зиёдабону Мадлатипова (Тошкент стоматология институти)
«Ғалабага ирода учун» номинацияси (Ногиронлар жамияти иштирокчилари ўртасида)
- 1-ўрин: Музаффар Шокиров
- 2-ўрин: Умид Абдураҳмонов
- 3-ўрин: Собир Ўришев
Фото: «Дарё» / Мадина Нурман
«Ғалабага ирода учун» номинацияси (Карлар жамияти иштирокчилари ўртасида)- 1-ўрин: Нигина Камилова
- 2-ўрин: Эъзоза Аҳмедова
- 3-ўрин: Гўзал Эшмуродова
- 1-ўрин: Умид Худоёрбеков
- 2-ўрин: Ҳамидулло Миродуллаев
- 3-ўрин: Шаҳризода Солиҳова
«Энг ёш иштирокчи» номинацияси
Қиз болалар: Аделина Омонова
Ўгил болалар: Владислав Тен
«Энг ёши катта иштирокчи» номинацияси
Аёллар: Яворина Фатапова
Эркаклар: Карим Фатапов
Изоҳ (0)