OOKLA компаниясининг савдо директори Виктор Зенг ИCТ Week Uzbekistan 2024 доирасида “COSCOM” МЧЖга (Ucell савдо белгиси) интернет самарадорлигини текшириш ва ўлчамлар бозорида жаҳон етакчиси OOKLA олтин мукофотини топширди. Speedtest Intelligence маълумотларига кўра, Ucell 2024 йилнинг биринчи ярмида тармоққа уланиш тезлиги бўйича Ўзбекистондаги энг яхши уяли алоқа оператори деб топилди*.
Уч йил давомида Ucellънинг Ўзбекистонда телекоммуникация инфратузилмасини ривожлантиришга киритган сармояси 354 миллион доллардан ошди. Шу билан бирга, бир сўм ҳам, бир доллар ҳам фойда мамлакатдан ташқарисига чиқиб кетмади: барчаси мобил алоқа ва интернетни ривожлантиришга йўналтирилди.
Ucell мобил алоқа тармоғи объектлари ва антенна мачта иншоотлари сони қарийб икки баробар ошди. 4116 та мавжуд станциялар модернизация қилинди. 12614 та янги таянч станциялари фойдаланишга топширилди. Узлуксиз ишлашни таъминлаш учун 19 минг дона аккумулятор батареялари алмаштирилди.
2023-2024 йилларда Андижон, Наманган, Сирдарё, Тошкент, Фарғона вилоятлари ҳамда Тошкент шаҳрида мобил алоқа тармоғи инфратузилмасини чуқур модернизация қилиш ишлари амалга оширилиб, таянч станцияларининг жиҳозлари тўлиқ янгиланди.
Андрей Шишковский, Ucell бош директори:
“Ucell мутахассислари мамлакатимизнинг барча ҳудудларида: Сурхондарёнинг баланд тоғли қишлоқларидан тортиб Орол денгизи соҳилларигача бўлган ҳудудларда Ucell таянч станцияларини тўртинчи авлод 4G LTE алоқаси билан жиҳозлаш бўйича катта ҳажмдаги ишларни амалга оширишди. Фарғона водийси тармоғини ривожлантириш бўйича 2024 йилда амалга оширилган кенг кўламли ишлар натижасида ҳар учала вилоятдаги йирик аҳоли пунктларининг 87 фоиздан ортиғи 5G тармоғи билан таъминланди. Бу Ucell абонентларини ҳатто энг чекка ҳудудларда ҳам юқори сифатли алоқа ва юқори тезликдаги интернет билан таъминлаш имконини берди. OOKLA олтин мукофоти ҳар бир Ucell ходими меҳнатининг натижасидир”.
Виктор Зенг, OOKLA, Савдо директор:
“Компания томонидан қўлланиладиган услубиёт барча мамлакатларда стандартлаштирилган ва мутлақо шаффофдир. Узоқ йиллик кузатишларимиз шуни кўрсатадики, Ucell сўнгги йилларда мамлакатда юқори тезликдаги мобил интернетнинг асосий бошқарувчисига айланмоқда”.
Компания Ўзбекистонда алоқа ва технологик тараққиётни ривожлантиришда муҳим рол ўйнашга интилмоқда. Ucell мобил оператори янги таянч станцияларини қуриш, мавжудларини модернизация қилиш ва 5G мобил алоқаси қамрови ҳудудларини кенгайтириш орқали телекоммуникация инфратузилмасини ривожлантиришга сармоя киритишда давом этмоқда. Компаниянинг барча вилоят ва шаҳарларида 150 та замонавий, технологик жиҳатдан илғор савдо шаҳобчалари фаолият кўрсатмоқда. Натижада: “COSCOM” МЧЖ абонентлар сони бўйича етакчи бўлиб келмоқда: 9 миллиондан ортиқ ўзбекистонликлар Ucellни афзал кўришмоқда.
Ucell компаниясининг миссияси: “Оддий, арзон ва ишончли хизматларни тақдим этамиз –одамлар билан ва одамлар учун ишлаймиз”
*Халқаро "Ookla" компаниясининг Speedtest Intelligence маълумотларини таҳлил қилиш натижаларига биноан.
Реклама ҳуқуқи асосида.
Изоҳ (0)