Фарғона вилояти ҳокимининг қарори билан шаҳарларда, шаҳар йўловчилар транспортида йўловчилар ва багаж ташиш хизматларининг чекланган тарифи белгиланмоқда. Бу ҳақда Адлия вазирлигининг ягона электрон тизимида маълум қилинди.
Қарорга кўра:
- а) автобусларда бир нафар йўловчи учун йўл ҳақи 3 минг сўм;
- б) жамоат транспортида нақд пулсиз тўлов тизимини жозибадорлигини ошириш, мазкур тизимдан фойдаланишда йўловчиларни кенг жалб қилиш, соҳадаги яширин иқтисодиёт улушини камайтириш мақсадида автобусларда электрон шаклда тўланган тўловлар (транспорт картаси, АТТО, банк карталар) орқали бир нафар йўловчи учун бир марталик рағбатлантирувчи йўл ҳақи тарифи 2 минг 400 сўм йўналишли такси (микроавтобус)ларда бир нафар йўловчи учун 4 минг сўм.
Қўл юки учун
Йўловчи ҳажми 60х40х20 см ва оғирлиги 20 килограммдан ортиқ бўлмаган қўл юки ҳамда мусиқа асбобини, 150 сантиметргача узунликдаги буюмларни, шунингдек қафасга солинган майда ҳайвонлар ва паррандаларни, аравачани (болалар, ногиронлиги бўлган шахслар ва бошқаларнинг аравачаларини), майда боғдорчилик инвентари, болалар чаналарини ўзи билан бирга бепул олиб юриш ҳуқуқига эга;
Болалар учун
Шаҳар йўналишларидаги автобусларда йўловчиларнинг 7 ёшгача бўлган болалари учун ҳақ ундирилмайди.
Маълумот учун, ҳозирги кунда вилоятда шаҳар йўловчилар транспортида автобусларда бир нафар йўловчи учун йўл ҳақи 2 минг сўм.
Изоҳ (0)