Қирғизистонда тўловни нақд қабул қилган жамоат транспорти ҳайдовчилари ишдан бўшатилади. Бу ҳақда Бишкек йўловчи автотранспорт корхонасининг фавқулодда йиғилишида сўз юритилди, деб хабар бермоқда шаҳар ҳокимлиги матбуот хизмати.
Йиғилишда корхона директори Бахитбек Темикеев йўловчиларнинг нақд пул тўлашига йўл қўймасликни талаб қилди. У ҳайдовчиларга йўловчилардан нақд пул олгани аниқланса, энг қаттиқ чоралар кўрилишини, жумладан, ишдан бўшатилишини эслатди.
Учрашувда янги автобуслар билан тез-тез ЙТҲ кузатиладиган ўсмирлар муаммоси ҳам кўтарилди. Директор келгусида бундай ҳолатларнинг олдини олиш учун қатъий чоралар кўриш вазифасини қўйди.
Корхона раҳбари янги ҳайдовчиларни танлаш амалиётини кучайтириш бўйича топшириқлар бериб, автоколонна раҳбарлари ва муҳандисларга улар билан тизимли иш олиб боришни топширди.
Аввалроқ Қирғизистонда автобус йўлкира нархлари салкам 2 баравар ошиши хабар қилинганди.
Изоҳ (0)