Бишкек шаҳар маъмурияти жамоат транспорти нархини 20-22 сомга (деярли 3260 сўм) ошириш масаласини жамоатчилик муҳокамасига қўймоқда. Ҳозирда автобус йўлкираси 11 сомни (1600 сўмдан ортиқ) ташкил қилади.
Тегишли маълумотни Бишкек вице-мери вазифасини бажарувчи Мақсатбек Сазикулов тасдиқлади. У мазкур нарх эвазига шаҳар маъмурияти ўз вақтида қулай жамоат транспортини таъминлаши кераклигини айтди. Гап катта сиғимли, экологик тоза, янги ва замонавий автобуслар ҳақида кетмоқда.
Ҳозирда 100 та янги автобус ишлаб чиқарилган, яқин келажакда яна 100 таси фойдаланишга топширилади. Йил охиригача 800 та янги автомобиль шаҳар бўйлаб ҳаракатлана бошлайди.
“Дизел ёқилғиси нархи литри 56 сом (8300 сўм) бўлганида йўловчи ташиш нархи 18,7 сом (тахминан 2800 сўм) бўлган. Ҳозир газ нархи ошди. Илгари 19,21 сом (2800 сўм) бўлган бўлса, ҳозир деярли 30 сом (4400 сўм) туради. Электр ҳам қиммат, эҳтиёт қисмлар қимматлашмоқда.
Яхлитланган тақдирда ҳам тариф камида 20 сом (тахминан 3000 сўм) бўлади. Энди биз тарифларни ошириш ҳақида эмас, балки уларни таннархга мослаштириш ҳақида гапирмаяпмиз. Йўлкира ҳеч бўлмаганда харажатларни қоплаши керак. Агар бу амалга оширилмаса, икки йилдан кейин яна эски автопарк ва транспорт инқирози юз беради”, — деди Мақсатбек Сазикулов.
Ҳозирда автобус ва троллейбусларда тўловни фақат банк ўтказмаси орқали тўлиқ ўтказишга эътибор қаратилмоқда.
“Биз барча автобусларни линияга қўйганимизда ҳаммасида валидаторлар бўлади. Нақд пулсиз тўлов тизими аниқ ишлайди, шундан сўнг табақалаштирилган тарифни кўриб чиқишимиз мумкин. Агар биз уни жорий қилсак, нақд тўлов икки баравар кўп бўлади. Аммо бу кейинроқ кузатилади Аввало, нақд пулсиз тўлов масаласини бутунлай ёпиш керак”, — деди Мақсатбек Сазиқулов.
Изоҳ (0)