Туркия президенти Ражаб Тоййиб Эрдўғон мамлакат дрон технологияси бўйича дунёдаги учта етакчилардан бири эканини, шунингдек, уларнинг сотуви бўйича яққол етакчи эканини айтиб ўтди.
Бу ҳақда у Вазирлар маҳкамаси йиғилишидан кейинги нутқида маълум қилди.
Эрдўғон шу кунгача 50 та давлат билан 770 та дрон сотиш бўйича шартномалар имзоланганини айтди.
“Фақат ўтган йилнинг ўзида бу экспорт ҳажми 1,8 миллиард долларни ташкил этди. 2024 йилнинг дастлабки икки ойида мудофаа ва аэрокосмик соҳаларда 633 миллион долларлик экспорт билан янги рекорд ўрнатдик”, — деди Туркия президенти.
Изоҳ (0)