Туркиянинг Аnkа-3 учувчисиз жанговар самолёти илк парвозини амалга оширди. Бу ҳақда ТУSAS компанияси хабар берди.
![](/static/2023/12/28/photo_2023-12-28_19-37-14-mcTjAodX.jpg)
Техника ишлаб чиқувчининг сўзларига кўра, янги дрон разведка, электрон уруш, ердан зарбалар бериш ва ҳаво ҳужумига қарши мудофаа тизимини бостириш миссияларида қўлланилиши мумкин. Anka-3 нинг техник хусусиятлари:
- Максимал парвоз баландлиги — 40 минг фут (12 километр);
- Ҳаводаги вақт — 10 соат;
- Юк кўтариш ҳажми — 1200 килограмм;
- Максимал тезлик — 0,7 маҳ (800 км/соат дан ортиқ)
Анка Туркия Қуролли кучлари учун ишлаб чиқилган дронлар оиласига киради. У иккита модификацияга эга — Аnkа-А ва Аnkа-B. Аnkа-А кузатув, патрул ва разведка учун, Аnkа-B эса ракеталар ва авиабомбалардан фойдаланган ҳолда жанговар ҳаракатлар учун мўлжалланган.