Alisher To‘xtayev O‘zbekistonning Pokistondagi elchisi etib tayinlandi. Bu haqda “Dunyo” axborot agentligi xabar berdi.
Bu lavozimga tayinlangunga qadar Alisher To‘xtayev O‘zbekiston tashqi ishlar vaziri maslahatchisi lavozimida ishlagan.
Toshkent davlat yuridik institutini (hozirgi Toshkent davlat yuridik universiteti) tugatgach, Tashqi ishlar vazirligi, Prezident huzuridagi Strategik va mintaqalararo tadqiqotlar instituti, Prezident Administratsiyasida mas’uliyatli lavozimlarda ishlagan.
Shuningdek, yangi tayinlangan elchi O‘zbekiston paxta-to‘qimachilik klasterlari uyushmasida ham avval maslahatchi, so‘ngra rais o‘rinbosari lavozimlarida ishlagan.
Alisher To‘xtayev 2021–2024-yillarda O‘zbekistonning Pokistondagi elchisi lavozimida ishlab kelgan Oybek Usmonov o‘rniga tayinlandi.
Bundan avval Saidikrom Niyozxo‘jayev O‘zbekistonning Qirg‘izistondagi elchisi etib tayinlangani haqida xabar berilgan edi.
Izoh (0)