Туркия президенти Ражаб Тоййиб Эрдўғон яқинда ЖАР пойтахти Йоханнесбург шаҳрида бўлиб ўтган БРИКС саммитида ўз мамлакатнинг мазкур гуруҳга қўшилишига қарши эмаслигини баён қилган. Бу ҳақда Hurriyet газетасига таяниб, «Корреспондент.net» хабар берди.
Газета Туркия президентининг журналистлар билан суҳбати чоғида айтган гапини келтирган. Унга кўра, Эрдўғон агар Туркия бу платформага қўшилса, у БРИКСТга айланишини айтиб ўтган.
Газетанинг таъкидлашича, Эрдўғоннинг сўзлари БРИКСнинг иштирокчи мамлакатлари раҳбарларига маъқул келган.
Эрдўғоннинг айтишича, айниқса, Хитой кенгайиш тарафдори бўлмоқда, етакчиларнинг барчаси бошқа мамлакатларни бу платформага қўшиш ҳақида ўйламоқда.
Туркия етакчиси ўз мамлакатининг бу гуруҳга қўшилиши иқтисодий ривожланиш ва инвестициялар бўйича имкониятларни кенгайтиришига умид қилмоқда.
Изоҳ (0)