Боку БРИКСга аъзо бўлиш учун расмий ариза топширди. Бу ҳақда Озарбайжон ТИВ матбуот котиби Айхан Ҳажизода маълум қилди.
3 июль куни Остона шаҳрида бўлиб ўтган Шанхай ҳамкорлик ташкилоти саммити доирасида Озарбайжон ва Хитой ўртасида стратегик шериклик ўрнатиш тўғрисида Қўшма декларация қабул қилинган эди. Ҳужжатга кўра, Боку БРИКСга аъзо бўлиш истагини билдирган ва Пекин Озарбайжоннинг БРИКС ҳамкорлигидаги иштирокини олқишлаган.
БРИКСга ҳозирда 10 та давлат киради: Бразилия, Россия, Ҳиндистон, Хитой, Жанубий Африка, Эрон, Саудия Арабистони, БАА, Миср ва Эфиопия.
Маълум бўлишича, бугунги кунда дунёнинг 20 дан ортиқ давлати БРИКСга қўшилиш учун ариза топширган. Шунингдек, тахминан, яна шунча давлат уюшмага кириш истагини норасмий равишда билдирган.
Хусусан, июнь ойида Туркия ва Таиланд БРИКСга аъзо бўлиш истагини билдирган эди.
Изоҳ (0)