Мазкур фильмлар қайноқ иш кунидан кейин ҳордиқ чиқариш учун айни муддао.
“Патрул”
- АҚШ, 2012 йил.
- Драма, криминал, триллер, жангари.
- Давомийлиги: 109 дақиқа.
- IMDb: 7.6.
Лос-Анжелеслик икки қадрдон дўст — полициячилар маҳаллий жиноий гуруҳлар билан курашади. Қаҳрамонлар бу борада бир нечта криминалларни фош қилган, шунинг учун ҳам картеллардан бири уларнинг пайига тушган. Энди улар ўз ҳаётларини сақлаб қолишлари керак.
Полициячилар Брайан ва Майк ролларини Жейк Жилленҳол ва Майкл Пена ижро этган. Бу қаҳрамонларнинг муносабатлари сюжетдан кўра муҳимроқдир. Фильмда шериклар ҳақида эмас, балки бир-бирини муаммодан қутқариши керак бўлган дўстлар ҳақида ҳикоя қилинади.
“Етти”
- АҚШ, 1995 йил.
- Триллер, драма, криминал, детектив.
- Давомийлиги: 127 дақиқа.
- IMDb: 8.6.
Уилям Сомерсет жиноий қидирув бўлимидаги ишидан аллақачон чарчаган ва нафақага чиқиш арафасида. Бироқ у серияли қотил ишини сўнгги иш сифатида тергов қилишга мажбур бўлади. Шу билан бирга, Уилямга ёш шерик юкланади. Улар биргаликда манякни топишга бел боғлашади.
Фильмдаги Морган Фриман ва Бред Питт дуэти ижро маҳорати билан томошабинларни ҳайратга солади. Қаҳрамонлар ўртасидаги муносабатлар тезда ривожланади, ишончсизликдан ғамхўрликка ўтади, чунки улар ишни ёлғиз ҳал қила олмаслигини тушунадилар.
“Зодиак”
- АҚШ, 2007 йил.
- Триллер, драма, криминал, детектив.
- Давомийлиги: 158 дақиқа.
- IMDb: 7.7.
Сирли қотил узоқ вақт давомида бутун шаҳарни қўрқувда ушлаб туради. Ягона далил — унинг журналистлар билан алоқаси, қотил уларга хат ва топишмоқлар юборади. Полиция манякни топиш учун журналистлар билан ҳамкорлик қилишга мажбур.
“Жиноий асар”
- АҚШ, 1994 йил.
- Криминал, драма.
- Давомийлиги: 154 дақиқа.
- IMDb: 8.9.
Винсент Вега ва Жюл Уинфилд хўжайини Марселус Уоллеснинг қарзларини ундиришди. Бир куни у Винсентдан кечки пайтни хотини Мия билан ўтказишни сўрайди, лекин ҳаммаси режадагидек кетмайди.
Шериклар — Винсент ва Жюл Квентин Тарантино фильмларидаги энг таниқли дуэтдир. Траволта ва Жексоннинг маҳорати бу жуфтликни янада яхшилайди — актёрлар ўртасида ўзаро тушуниш мавжуд.
“Қора рицар”
- АҚШ, Буюк Британия, 2008 йил.
- Илмий фантастика, жангари, триллер, криминал, драма.
- Давомийлиги: 152 дақиқа.
- IMDb: 9.0.
Joker қаерда пайдо бўлмасин, кўнгилсизлик олиб келади. Бетмен тартибсизликларга чек қўйиш учун маҳаллий полиция билан ҳамкорлик қилиши керак. Қаҳрамоннинг барча саъй-ҳаракатларига қарамай, Joker аҳолига тобора кўпроқ азоб-уқубатлар келтира бошлайди.
Инспектор Гордон ва Бетмен нафақат ишда ҳамкор — иккаласи ҳам шаҳар хавфсизлиги учун масъул, балки чинакам дўстона муносабатларга эга. Уларнинг бирга ижро этган саҳналари кўп бўлмаса-да, қаҳрамонларни бир-бирига ёрдам берадиган шериклар деб ҳисоблаш мумкин.
“Аритмия”
- Россия, 2017 йил.
- Мелодрама, драма.
- Давомийлиги: 116 дақиқа.
- IMDb: 7.4.
Олег — тез ёрдам шифокори. Ҳар сафар у имконсиз нарсани бажаришга ва беморларига ёрдам беришга ҳаракат қилади. Бироқ у ишдаги муаммолари билан банд бўлганидан, шахсий ҳаёти бузилади.
Олег фелдшер Дима билан ишлайди, улар фақат одамларни қутқарибгина қолмай, балки дўстлар ҳамдир. Бу ўзидан кўра бошқаларга ёрдам беришни бурчи деб биладиган шифокорлар ҳақида жуда таъсирчан фильм.
“Машғулот куни”
- АҚШ, 2001 йил.
- Боэвик, триллер, драма, криминал.
- Давомийлиги: 122 дақиқа.
- IMDb: 7.7.
Жек Ҳойт гиёҳванд моддалар бўлимида иш бошлайди. Шафқатсиз усуллардан фойдаланадиган полициячи Алонсо Ҳарис унинг шериги ва устозига айланади. Жейк ва Алонзо охири йўқдек туюлган машғулот кунини бошлашади.
Ҳамкорларни Итан Ҳок ва Дензел Вашингтон ижро этган. Уларнинг муносабатлари дўстликка деярли ўхшамайди ва шунинг учун фильм жуда қизиқ — бу полиция ҳақидаги ноанъанавий драма.
Изоҳ (0)