Россиянинг Санкт-Петербург шаҳрида ўзбекистонлик муҳожирлар ўртасидаги можаро пичоқбозлик билан якунланди. Бу ҳақда 78.ru хабар берди.
Ҳодиса 19 октябрь куни тунда Правда кўчасида содир бўлган. Ёш йигит рашк туфайли 42 ёшли Ўзбекистон фуқаросини пичоқ билан яралаган. Жабрланувчи оғир аҳволда касалхонага ётқизилган. Полиция ходимлари 20 октябрь Марат кўчасида гумонланувчини қўлга олган. У жабрланувчининг 15 ёшли ватандоши бўлган.
“Фонтанка” нашрига кўра, эркак ёш ҳамюрти — хотинининг ўғли билан умумий тил топа олмаган. Бола эса пичоқ билан ҳужум қилган. У қасддан оғир тан жароҳати етказишда гумон қилиниб, вақтинчалик сақлаш ҳибсхонасига жўнатилган. Ҳолат юзасидан жиноят иши қўзғатилган.
Изоҳ (0)