Россия меҳнат вазири Антон Котяков Ички ишлар вазирлиги билан биргаликда меҳнат муҳожирларини жалб қилишнинг амалдаги тизимини ўзгартириш кўриб чиқилаётганини айтди. Бу ҳақда “Ведомости” хабар берди.
Котяков Россия муҳожирларнинг эркин киришини тақиқлаши ва “цивилизациялашган модел”дан фойдаланиши мумкинлиги ҳақида фикр билдирди. У амалдаги модел бизнес учун маълум хавфларни келтириб чиқариши, чунки иш берувчилар мигрантларни ўқитиш ва тиббий кўрикдан ўтказиш харажатларини қоплашини айтди.
Шу билан бирга, улар ходимнинг ўз мажбуриятларини бажариши ва бошқа ишга, масалан, қурилиш саноатидан хизмат кўрсатиш соҳасига кетмаслиги ҳақида кафолат олмайди, деган Россия меҳнат вазири.
У “цивилизациялашган модел” ташкилий ишга қабул қилиш тамойили асосида қурилишини тахмин қилди. Бу ҳолда таълим, тиббий кўрик ва ҳужжатларни тайёрлаш мигрантнинг ўз мамлакатида амалга оширилади. Шунда иш берувчи кафолатлар олади ва хориждан таклиф қилинган ходимлар учун жавобгарликни ўз зиммасида сақлаб қолади.
Бўлажак ходим ва иш берувчи ўртасидаги молиявий муносабатларнинг шаффоф, тушунарли қоидалари шакллантирилиши лозим. Масалан, агар компания харажатларни ўз зиммасига олса, ходим ишдан кетган тақдирда бу суммани қайтариш мажбуриятига эга бўлиши керак, деди Котяков.
Вазир ташкилий ишга қабул қилишда асосий эътибор малакали кадрларга қаратилишини таъкидлади. Шу билан бирга, мамлакатга камроқ малакали ишчиларни ҳам киритишда давом этилади, чунки иш берувчиларда уларга бўлган эҳтиёж сақланиб қолмоқда.
Россия саноатчилар ва тадбиркорлар иттифоқи ҳамда hh.ru сўровларига кўра, Россияда мигрантларни ишга олаётган компанияларнинг 50 фоиздан ортиғи чет эллик ишчилар етишмовчилигини ҳис қилмоқда. Иш берувчилар учун энг катта муаммо — меҳнат бозорида зарур мутахассисликка эга одамларнинг йўқлиги.
Изоҳ (0)