Туркияда қаровсиз қолган ўзбекистонлик болалар ватанга қайтарилди, деб хабар бермоқда Бош консулхона ахборот хизмати.
Қайд этилишича, хориждаги ватандошларга ижтимоий-ҳуқуқий ёрдам кўрсатиш тадбирлари доирасида Туркияда ота-онасининг қаровисиз қолиб кетган уч нафар вояга етмаган болалар ватанга қайтарилишига эришилди.
Жумладан, турли сабаблар туфайли ота-онасининг қарамоғидан маҳрум бўлган 16 ёшли ва 6 ёшли 2 нафар қиз, 11 ёшли бир нафар ўғил бола яқин қариндошларининг мурожаатлари асосида Истанбул шаҳридаги Бош консулхонаси, Ички ишлар ва Соғлиқни сақлаш вазирликлари ҳамкорлигида амалга оширилган чора-тадбирлар натижасида 2 октябрь куни масъул ходимларнинг кузатуви остида Тошкент шаҳрига юборилди.
Бундан аввал Россияда қаровсиз қолган 8 ойлик гўдак Ўзбекистонга, ота-онаси бағрига, қайтарилган эди.
Шу билан биргаликда, Туркиянинг Истанбул шаҳрида ўз қизи томонидан қийин аҳволда қолдирилган аёл ва унинг ўғли Ўзбекистонга қайтарилган эди. Шунингдек, Истанбулда пулсиз ва ҳужжатсиз қийин аҳволда қолган ўзбекистонлик эркак ватанга қайтарилган.
Изоҳ (0)