ОФК Элит Чемпионлар лигаси 3-тури доирасидаги ушбу учрашув хавфсизлик нуқтаи назаридан Теҳронда эмас, Дубайда ўтади.
“ ‘Ан-Насср’ — ажойиб жамоа. Таркибида ажойиб ўйинчилар йиғилган. Ўзим ҳам бу жамоада олдин тўп сурганман ва бу клубдан фақат яхши хотиралар қолган. Аммо унутманг, биз ҳам “Истиқлол”миз, фақат ғалабани кўзлаймиз. Бизнинг таркибимизда ҳам кучли футболчилар жамланган ва Дубайга фақат ғалаба илинжида келганмиз. Бу ўйинда биздан ғалабани кутишади. Дубайда эронликлар жуда кўплигини биламан ва улар эртага бизни ёлғизлатиб қўймаслиги аниқ. Стадион мухлисларимиз билан тўлишига аминман. Улар ғалабамизга гувоҳ бўлишлари учун боримизни берамиз. Уйга 3 очко билан қайтишимиз керак” дейди Жалолиддин Машарипов.
Эслатиб ўтамиз, “Истиқлол” — “Ан-Насср” ўйини бугун, 22 октябрь куни бўлиб ўтади. Ушбу учрашувда Жалолиддин Машарипов асосий таркибда тушиши кутилмоқда.
Изоҳ (0)