Саудия Арабистонининг «Ан-Насср» клуби Криштиану Роналдуга қизиқиш билдирмоқда.
Ар-Риёд жамоаси эркин агент мақомида бўлган футболчини январда ўз сафига қўшиб олмоқчи, дея хабар қилмоқда CBS Sports. Қайд этилишича, футболчининг вакиллари бу трансферга «ҳар қачонгидан кучлироқ» қизиқиш билдирган.
Клуб португалиялик футболчига уч йиллик шартнома ва бу муддат учун 75 миллион доллар маош таклиф қилмоқчи. Аввалроқ Саудия Арабистони клуби Роналду билан икки йиллик битим учун 242 миллион евро таклиф қилгани айтилганди.
Томонлар футболчининг якуний қарорини кутмоқда. Агар Роналду рози бўлса трансфер тезда расмийлаштирилади.
37 ёшли футболчи 22 ноябрь куни «Манчестер Юнайтед» билан ўзаро шартномани бекор қилганди.
Эслатиб ўтамиз, «Ан-Насср» жамоасида ўзбекистонлик ҳужумкор ярим ҳимоячи Жалолиддин Машарипов тўп суради.
Мавзуга доир: Криштиану Роналдуга Бразилия клуби қизиқиш билдирмоқда
Изоҳ (0)