Саудия Профессионал Лигаси. “Ан-Насср” Криштиану Роналдунинг ҳет-триги эвазига йирик ҳисобдаги ғалабани қўлга киритди

Футбол бўйича Саудия Арабистони чемпионатининг 18-турида “Ан-Насср” 25 февраль, шанба куни “Дамак” билан баҳс олиб борди.

Учрашувнинг 18-дақиқасида Роналду пенальтидан унумли фойдаланиб, ҳисобни очди. Орадан 5 дақиқада ўтиб, португалиялик футболчи дублни расмийлаштирди. Биринчи бўлим сўнгида Криштиану учрашувдаги учинчи голни урди. 

Ўйиннинг қолган дақиқаларида гол урилмади ва “Ан-Насср” ғалабани қўлга киритди. Ўзбекистонлик футболчи Жалолиддин Машарипов иккинчи бўлим бошида Айман Яҳёнинг ўрнига майдонга тушди. 

Саудия Профессионал Лигаси

18-тур баҳси

25 февраль, шанба

“Дамак” – “Ан-Насср” 0:3

Голлар: 0:1 – 18 Роналду (пенальти), 0:2 – 23 Роналду, 0:3 – 44 Роналду.

“Дамак”: Зегба, Тармин (Ал-Нажар, 70), Шафаи, Бедран, Ал-Нахли, Ал-Аммар, Макинг (Ал-Шаммари, 46), Маҳер (Ал-Муса, 87), Антолич (Ноно, 46), Судани, Ҳамзи (Мажраши, 78).

“Ан-Насср”: Ал-Акиди, Ал-Ганам, Маду (Ал-Авжами, 65), Ал-Амри, Конан, Луис Густаво, Ал-Нажи (Ал-Сулайҳим, 68), Ал-Ҳайбари (Ал-Ҳассан, 65), Яҳя (Машарипов, 46), Роналду, Гариб (Маран, 83).

Огоҳлантиришлар: Шафаи (17), Маду (30), Ал-Ҳассан (72).