Ўзбекистон терма жамоаси ҳужумчиси Жалолиддин Машарипов ҳаракат қиладиган “Ан-Насср” клуби бош мураббийи Руди Гарсия истеъфога чиқарилди.
Клуб матбуот хизматининг маълум қилишича, томонлар ўзаро келишувга кўра шартномани бекор қилган.
Франциялик мутахассис Ар-Риёд клуби бошқарувига 2022 йилнинг 29 июнида келганди. Жамоа 23 турдан кейин 53 очко тўплаган ҳолда, Саудия Арабистони чемпионатида иккинчи ўринда бормоқда ва пешқадам “Ал-Иттиҳод”дан 3 очко ортда.
Гарсиянинг ўрнини вақтинчалик хорватиялик мутахассис Динко Еличич эгаллайди. Еличич бунга қадар “Ан-Насср” У-19 жамоасига устозлик қилаётганди.
Аввалроқ Криштиану Роналду жамоа мураббийи ва “Ан-Насср”нинг ўйин услубидан норози экани хабар қилинганди.
“Ан-Насср”нинг кейинги рақиби лига жадвалида учинчи ўринда бораётган “Ал-Ҳилол” бўлади.
Изоҳ (0)