Машарипов пенальти ишлади, Роналду пенальтидан унумли фойдаланди ва “Ан-Насср”ни мағлубиятдан қутқариб қолди 

Футбол бўйича Саудия Арабистони чемпионатининг 15-турида “Ан-Насср” 3 февраль, жума куни “Ал-Фотиҳ” билан баҳс олиб борди.

Учрашувнинг 12-дақиқасида Кристиан Тельо ҳисобни очди. Биричи бўлим якунланишига бир неча дақиқа қолганда Андерсен Талиска мувозанат тиклади.

Иккинчи бўлимда “Ал-Фотиҳ” Софиан Бендебканинг голи эвазига ҳисобда олдинга чиқиб олди. 65-дақиқада ўзбекистонлик футболчи Жалолиддин Машарипов захирадан майдонга тушди ва ўйин сўнгида жамоаси фойдасига пенальти ишлади. Ушбу пенальтини Криштиану Роналду аниқ амалга ошириб, ҳисобни тенглаштирди. Шу тариқа ўйин 2:2 ҳисобида якунланди.

Саудия Профессионал Лигаси

15-тур баҳси

3 февраль, жума

“Ал-Фотиҳ” – “Ан-Насср” 2:2

Голлар: 1:0 – 12 Тельо, 1:1 – 42 Талиска, 2:1 – 58 Бендебка, 2:2 – 90+3 Роналду (пенальти).

 “Ал-Фотиҳ”: Ринне, Ал-Зубайди (Алжари, 81), Ал-Даҳим, Саадан, Буҳумаид (Ал Нажди, 62), Ал-Фуҳаид (Ал-Муса, 81), Петрос, Ал-Брейкан, Тельо (Алжассем, 72), Бендебка, Ал-Ҳулайф (Алотҳма, 62).

“Ан-Насср”: Росси, Ал-Ганам (Бушал, 83), Ал-Авжами (Ал-Ҳассан, 87), Ал-Амри, Конaн, Луис Густаво, Талиска, Ал-Ҳайбари (Ал-Сулайҳим, 65), Яҳё (Машарипов, 65), Роналду, Гариб (Мартинес, 65).

Огоҳлантиришлар: Бендебка (63), Ал-Авжами (78), Роналду (90), Ал-Даҳим (90).

Огоҳлантиришлар: Талиска (90).