Футбол бўйича Ўзбекистон терма жамоаси ЖЧ—2026 3-саралаши 1-турида Шимолий Кореяга қарши баҳс олиб борди.
Учрашув Ўзбекистон терма жамоасининг 1:0 ҳисобидаги ғалабаси билан якунланди. Ўйиндан сўнг бош мураббий Сречко Катанес иштирокида матбуот анжумани ўтказилди.
Бугун қийин ўтган баҳсда ғалаба қозондик. Ўз имкониятимизни тўлиқ намойиш эта олмадик, лекин муҳими ғалаба қозондик. Биринчи бўлимда кўпроқ гол киритсак бўларди, сабаби кўп вазиятлар ярата олдик. Пенальти ҳам ўз хатоларимиз ортидан юзага келди.
Рақиб биздан кўра кўпроқ йиғин ўтказган ҳолда бугунги ўйинга етиб келди. Шу сабабли улар жисмоний томондан яхши ҳаракат қила олишди, деб ўйлайман.
Айтганимдек, бугун етарлича имкониятга эга бўлдик. Муаммо асосан жисмоний ҳолатда бўлди. Бизнинг асосий мақсадимиз керакли натижаларни қўлга киритиш ва бугун буни уддаладик. Олдимизда Қирғизистонга қарши яна бир муҳим ўйин кутиб турибди. Гуруҳдаги бошқа рақиблар хусусида гапиришга ҳали эрта.
Шунингдек, учрашувдаги ягона гол муаллифига айланган Жалолиддин Машарипов ҳам ўз фикрлари билан ўртоқлашди.
Барчани бугунги ғалаба билан табриклайман. Керакли натижани қўлга киритдик. Бу босқич биз учун ҳар доим осон бўлмаган, чунки унинг ўзига яраша босими бор. Кейинги ўйинларда чиройли ғалаба қозониб, халқимизни Хурсанд қилишга ҳаракат қиламиз.
Ўз ўйинимизни тўлиқ кўрсата олдик, дея олмайман. Сабаби озроқ ҳаяжон бўлди, ЖЧга яқинлашганингиз сари босим ва ҳаяжон бўлиши табиий. Бироқ шу каби муҳим ўйинлар билан Жаҳон чемпионатига йўл олинади, деб ўйлайман.
Бу босқичда кучсиз рақиб йўқ. Психологик тайёргарлик кўп нарсани ҳал қилади. Бош мураббийимиз ҳам ҳеч қайси ўйин осон бўлмаслигини уқтириб келмоқдаи. Кейинги ўйинларда янада ёрқинроқ ўйин кўрсатишга ҳаракат қиламиз.
Ўзбекистон 2-тур баҳсини Қирғизистонга қарши ўтказади. Сафардаги учрашув 10 сентябрь кунига белгиланган.
Изоҳ (0)