“Навбаҳор”нинг Жалолиддин Машарипов трансфери бўйича музокаралари якуний паллага етди

Наманганнинг “Навбаҳор” жамоаси Жалолиддин Машарипов трансфери устида ишламоқда.

Бу ҳақида жамоа матбуот хизмати маълум қилди. Хабарга кўра, Машарипов билан музокаралар якуний паллага келиб қолган.

Ушбу музокара ижобий якун топса, “Навбаҳор” мавзуни батамом ёпади ва бошқа трансфер устида иш бошлайди. Жамоанинг ҳозир бутун диққати ушбу трансферга қаратилгани айтилмоқда. 

Эслатиб ўтамиз, Машарипов 2023 йилнинг сентябрь ойида Грециянинг “Пансеррайкос” жамоаси билан шартнома имзолаган эди. Греция клуби сафида Жалолиддин барча мусобақаларда 8 та ўйинда иштирок этиб, 2 та голли узатмага муаллифлик қилди.

Ундан олдин эса ўзбекистонлик футболc “Ан-Насср”да Криштиану Роналду билан бирга тўп сурган.